અમદાવાદ જિલ્લાના સાણંદમાં આવેલા ગ્લેડ ગોલ્ફ રિસોર્ટમાં ગઈકાલે( મોડી રાત્રે હાઈ પ્રોફાઈલ દારૂ
પાર્ટી ચાલી રહી હતી જેના પર સાણંદ પોલીસે રેડ કરી હતી. રિસોર્ટમાં રેડ દરમિયાન પોલીસે 100
લોકોને તપાસ્યા હતા, જેમાંથી 13 યુવકો અને 26 યુવતીઓ આમ કુલ 39 લોકો દારૂ પીધેલી હાલતમાં
ઝડપાયા હતા. તમામને મોડી રાત્રે જ મેડિકલ માટે સિવિલ હોસ્પિટલ લઈ જવામાં આવ્યા હતા. જે બાદ
રાતના 3 વાગ્યાના અરસામાં તમામને સાણંદ પોલીસ સ્ટેશન લાવવામાં આવ્યા હતા. સાણંદ પોલીસે
સમગ્ર મામલે ગુનો નોંધી તમામની ધરપકડ કરી છે. રિયલ એસ્ટેટ સાથે સંકળાયેલા પ્રતિક સાંઘીની બર્થ
ડે પાર્ટી નિમિતે દારૂ પાર્ટી યોજાઈ હતી.
રિસોર્ટમાં પાર્ટી ચાલી રહી હતી ત્યારે 100 લોકો હાજર હતા.શંકાસ્પદ લોકોના મેડિકલ ટેસ્ટ કરવામાં
આવ્યા ત્યારે 100માંથી 13 યુવકો અને 26 યુવતીઓ દારૂ પીધેલી હાલત હતા. કુલ 39 લોકો દારૂ
પીધેલી હાલતમાં ઝડપાયા હતા.રિયલ એસ્ટેટ સાથે સંકળાયેલા પ્રતિક સાંઘીની બર્થ ડે પાર્ટી નિમિતે દારૂ
પાર્ટી યોજાઈ હતી.પોલીસની 4 બસ અને ગાડીમાં તમામને બેસાડીને મેડિકલ ટેસ્ટ માટે સિવિલ હોસ્પિટલ
લઈ જવામાં આવ્યા હતા. મોટી સંખ્યામાં દારૂ પીધેલા લોકો ઝડપાયા હોવાથી મોડી રાતથી સવાર સુધી
પોલીસની કાર્યવાહી ચાલી હતી. યુવક-યુવતીઓ પણ મોટી સંખ્યામાં ઝડપાયા હોવાથી લોકોના પરિવાર
પણ પોલીસ સ્ટેશન પહોંચ્યા હતા.પોલીસે ઘટના સ્થળેથી પાંચ સીલબંધ દારૂનું બોટલ મળી આવતા
કબ્જે લીધી હતી.
