ભારતીય ચલણ બજારમાં આજે સવારે એક મોટો આંચકો જોવા મળ્યો છે. અમેરિકન ડોલર સામે રૂપિયો પ્રથમ વખત ₹90 પ્રતિ ડોલરના સ્તરને પાર કરી ગયો છે, જે અત્યાર સુધીનું સૌથી નબળું સ્તર છે. બજાર ખુલતાની સાથે જ દબાણ સ્પષ્ટ દેખાઈ રહ્યું હતું અને રૂપિયા પર વેચવાલીનો મારો યથાવત રહ્યો હતો.
ભારતીય રૂપિયો આજે અમેરિકન ડોલર સામે ઇતિહાસનો સૌથી મોટો ઘટાડાનો દિવસ લઈને આવ્યો. રૂપિયો પ્રથમ વખત ₹90/$ ની નીચે ગગડ્યો અને બજાર ખુલતાની સાથે જ રેકોર્ડ નબળાઈ નોંધાવી. તે 89.87 પ્રતિ ડોલરના અગાઉના બંધ સામે 89.97 પર ખુલ્યો, પરંતુ થોડી જ વારમાં ગગડીને ₹90.14/$ ના ઓલ-ટાઇમ નીચલા સ્તરે પહોંચી ગયો. વિદેશી માંગ, ડોલરની મજબૂતાઈ અને વૈશ્વિક અનિશ્ચિતતાઓએ રૂપિયા પર ભારે દબાણ બનાવ્યું છે.રૂપિયાના આ રેકોર્ડ બ્રેક ઘટાડા પાછળ અનેક મોટા કારણો છે: છેલ્લા ઘણા દિવસોથી અમેરિકન ડોલર સતત મજબૂત થઈ રહ્યો છે. વિશ્વભરના રોકાણકારો સુરક્ષિત રોકાણની શોધમાં ડોલરમાં રોકાણ કરી રહ્યા છે. વિદેશી રોકાણકારો હાલમાં ભારતીય બજારમાંથી નાણાં પાછા ખેંચી રહ્યા છે. જ્યારે FII સતત વેચાણ કરે છે, ત્યારે ડોલરની માંગ વધે છે અને રૂપિયો નબળો પડે છે. અમેરિકાની આર્થિક નીતિ, વ્યાજદરો પરની અટકળો અને વિશ્વના ઘણા ભાગોમાં તણાવ – આ બધું મળીને ડોલરને તાકાત અને રૂપિયાને નબળાઈ આપી રહ્યું છે.રૂપિયાનું 90ને પાર જવું એ માત્ર એક મનોવૈજ્ઞાનિક સ્તર તૂટવાની વાત નથી, પરંતુ તે બજારમાં વિશ્વાસના બદલાવનો પણ સંકેત આપે છે.
