ચાંદીનો ભાવમાં વિક્રમ ૨૭૩૫નો ઉછાળો ભાવ વધીને પ્રતિકીલો ૧૯૦૭૯૯

સોના-ચાંદીના ભાવોમાં ફરી એકવાર તોફાની તેજી જોવા મળી રહી છે. આજે મલ્ટી કોમોડિટી એક્સચેન્જ

પર કારોબાર શરૂ થતાની સાથે જ ચાંદીનો ભાવ નવો શિખર સર કરીને ઓલ ટાઇમ હાઇ પર પહોંચી

ગયો હતો. કારોબારની શરૂઆતમાં ચાંદીનો ભાવ તેના અગાઉના બંધ ભાવ 1,88,064 પ્રતિ કિલોગ્રામની

તુલનામાં વધીને 1,88,959 પર ખૂલ્યો હતો. ત્યારબાદ ગણતરીની મિનિટોમાં જ તે 2,735 ના વધારા

સાથે 1,90,799 ની નવી ઊંચાઈ પર પહોંચી ગયો હતો. આ વધારા સાથે ચાંદીનો ભાવ હવે 2 લાખના

આંકડાની ખૂબ નજીક પહોંચી ગયો છે. આ સપ્તાહના બે કારોબારી દિવસોમાં જ ચાંદીના ભાવમાં લગભગ

10,000 પ્રતિ કિલોગ્રામનો ઉછાળો જોવા મળ્યો છે.
ચાંદીની સાથોસાથ સોનાના ભાવમાં પણ તેજી જોવા મળી છે, જોકે તે હજી પણ તેની સર્વકાલીન ઊંચી

સપાટીથી ઘણું સસ્તું મળી રહ્યું છે. આજે બજારમાં એક્સપાયરીવાળા સોનાનો વાયદા ભાવ 1,30,502

પ્રતિ 10 ગ્રામ પર પહોંચ્યો હતો. જોકે, તેની ઊંચી સપાટી 1,34,024 હતી, જેનાથી સોનું હજી પણ

3,522 પ્રતિ 10 ગ્રામ સસ્તું છે.
ઇન્ડિયન બુલિયન જ્વેલર્સ એસોસિએશનની વેબસાઇટ પર ઘરેલું બજારમાં ચાંદીનો ભાવ મંગળવારની

સાંજે 1,78,893 પ્રતિ કિલોગ્રામ હતો. જ્યારે 24 કેરેટ સોનાનો ભાવ આ સપ્તાહે નરમ પડ્યો છે અને

મંગળવારની સાંજે તે ઘટીને 1,27,974 પ્રતિ 10 ગ્રામ પર આવ્યો છે, જે શુક્રવારના બંધ ભાવ કરતાં

618 ઓછો છે.એક અહેવાલ મુજબ, ચાંદીનો ભાવ જલ્દી જ 2 લાખ પ્રતિ કિલોગ્રામનો આંકડો પાર કરી

શકે છે. કન્સલ્ટન્સી ફર્મે આ ઝડપી વૃદ્ધિ પાછળ નબળા અમેરિકી મેક્રો ઇકોનોમિક ડેટા, યુએસ ફેડરલ

રિઝર્વ દ્વારા વ્યાજ દરોમાં ઘટાડાની વધતી અપેક્ષાઓ અને વૈશ્વિક ભંડારમાં ઘટાડાને મુખ્ય કારણો

ગણાવ્યા છે.