અમરેલી જિલ્લા બગસરા તાલુકાના હડાળા ગામ નજીક આજે વહેલી સવારે એક ફૉર વ્હીલ કાર ઓવર સ્પીડના કારણે કાર ચાલકે સ્ટેરીંગ ઉપરનો કાબૂ ગુમાવી દેતાં કાર રોડ ઉપરથી નીચે ઉતરી ખેતરમાં ઝાડ સાથે ધડાકાભેર અથડાતા કારમાં બેઠેલાં ચાર પૈકિવ ત્રણનાં ઘટનાં સ્થળે મોત નીપજ્યાં હતાં. જ્યારે એકની હાલત ગંભીર હોય સારવાર માટે દવાખાને ખસેડાયેલ છે. આ અકસ્માત એટલો ગંભીર હતો કે, અમરેલી ફાયર ફાયટરની ટીમે ઇમર્જન્સી રેસ્ક્યુ કરી વ્હીકલ સાથે તુરંત ઘટના સ્થળ પર પહોંચી પોતાની સૂઝબુજ તથા આધુનિક સાધનોની મદદથી ચારેય વ્યક્તિઓનું રેસ્ક્યુ કરી બહાર કાઢેલ હતાં.
આ બનાવમાં મળતી વિગત મુજબ જૂનાગઢ ગામે રહેતાં વિકાસ સવજીભાઈ સાવલિયા, ધોરાજી તાલુકાના જાલણસર ગામે રહેતાં મંથનભાઈ સાવલિયા, ધર્મેશભાઈ સાવલિયા તથા નીરજભાઈ મકવાણા પોતાના હવાલાવાળી ફોર વ્હીક કાર નંબર GJ 11 CL 8531 લઈ આજે વહેલી સવારે અમરેલી જિલ્લા બગસરા તાલુકાના હડાળા ગામથી ત્રણ કિ.મી. દુર ડેરીપીપળીયા ગામના પાટીયા પાસે ઓવર સ્પીડના કારણે કાર ચાલકે સ્ટેરીંગ ઉપરનો કાબૂ ગુમાવી દેતાં કાર રોડ ઉપરથી નીચે ઉતરી ખેતરમાં આવેલ એક ઝાડ સાથે ધડાકાભેર અથડાતા કારમાં બેઠેલાં ચાર પૈકી વિકાસ સવજીભાઈ સાવલિયા (ઉં.વ.૩૮) ડ્રાઈવર, મંથન સાવલિયા (ઉં.વ.૨૬) તથા ધર્મેશ સાવલિયા (ઉં.વ.૨૯) સહિત ત્રણનાં ઘટનાં સ્થળે મોત નીપજ્યાં હતાં. જ્યારે નીરજભાઈ મકવાણાની હાલત ગંભીર હોય તેમને સારવાર માટે પ્રથમ બગસરા અને વધુ સારવાર માટે અમરેલી દવાખાને ખસેડાયેલ છે. આ બનાવની જાણ સ્થાનિક લોકોને થતાં લોકોનાં ટોળાં ઉમટી પડ્યાં હતાં. અને કારમાં ફસાયેલાં લોકોને કારમાંથી બહાર કાઢવાં માટે થઈ અમરેલી ફાયર ફાયટરની ટીમ ટાઠક પોલીસને કરવામાં આવેલ હતી.
આ અકસ્માત એટલો ગંભીર હતો કે, અમરેલી ફાયર ફાયટરની ટીમે ફાયર ઓફિસર એચ.પી સરતેજાની આગેવાની હેઠળ ફાયર ટીમના સાગરભાઇ પુરોહિત, ભગવતસિંહ ગોહિલ, કૃષ્ણભાઈ ઓળકિયા, ઋત્વિક ભાઈ ભીમાણી, ધવલભાઇ ચાવડા, ધર્મેશભાઈ જુવાદરીયા તથા નિલેશભાઈ સાનિયા વિગેરેએ ઇમર્જન્સી રેસ્ક્યુ કરી સાધનો વ્હીકલ સાથે તુરંત ઘટના સ્થળ પર પહોંચી પોતાની સૂઝબુજ તથા આધુનિક સાધનોની મદદથી કારમાં ફસાયેલાં ચારેય વ્યક્તિઓનું રેસ્ક્યુ કરી મહામહેનતે બહાર કાઢેલ હતાં.
આ બનવાની જાણ થતાં બગસરા પોલીસ પણ ઘટનાં સ્થળે દોડી જઈ અને આગળની કાર્યવાહી હાથ ધરેલ છે.
