તાઈવાનના તાઈપેમાં મેટ્રો સ્ટેશન બહાર સ્મોક બોમ્બ ફેંકી ચાકુ વડે કરેલા હુમલામાં ત્રણના મોત

તાઈવાનની રાજધાની તાઈપેમાં મેટ્રો સ્ટેશનની બહાર એક વ્યક્તિએ સ્મોક બોમ્બ ફેંકયો હતો. તેમજ

અનેક લોકો પર ધારદાર ચાકુ વડે હુમલા કર્યા હતા. જેમાં ત્રણ લોકોના મોત થયા છે અને 9 લોકો

ઘાયલ થયા છે. તેમજ તેની બાદ આ હુમલાખોરે કુદીને આત્મહત્યા કરી હતી. મળતી માહિતી મુજબ આ

વ્યક્તિ ક્રિમીનલ રેકોર્ડ ઘરાવે છે.
આ ઘટનાની અંગે મળતી માહિતી એક વ્યક્તિએ તાઈપે મેટ્રો સ્ટેશનની બહાર રોડની બંને તરફ સ્મોક

બોંબ ફેક્યા હતા. જેના લીધે નાસભાગ મચી હતી. તેમજ તેની બાદ આ વ્યક્તિએ ધારદાર ચાકુ વડે લોકો

પર હુમલા કરવાનું શરુ કર્યું હતું. જેથી લોકો બુમો પાડતા પાડતા દોડવા લાગ્યા હતા. આ હુમલાખોરે

મોટાભાગે લોકોના ગળા પર જ ચાકુના ઘા કર્યા હતા.
જેના લીધે ત્રણ લોકોના મોત થયા છે તેમજ નવ લોકો ઘાયલ થયા છે. ઘાયલોને હોસ્પિટલના સારવાર

અર્થે ખસેડવામાં આવ્યા છે. જોકે, તેની બાદ હુમલાખોર પકડવા માટે પોલીસે તેનો પીછો કર્યો હતો. જોકે,

તે એક ડીપાર્ટમેન્ટલ સ્ટોરમાં ઘુસી ગયો હતો. તેમજ પોલીસથી બચવા માટે તે છઠ્ઠા માળેથી કુદી ગયો

હતો. જેના લીધે તેનું સ્થળ પર મૃત્યુ થયું હતું.
જોકે, પોલીસ તપાસમાં જાણવા મળ્યું છે કે, આ વ્યકિતનું નામ ચાંગ વેન હતું. તેની ઉંમર 27 વર્ષની

છે. તેમજ તેનો ક્રિમીનલ રેકોર્ડ પણ છે. પોલીસે આ હુમલો કેમ કરવામાં આવ્યો તેની તપાસ પણ શરુ

કરી છે.