ભારતે ફરી એકવાર પાંચ અને છ ફેબ્રુઆરીએ બંગાળની ખાડીમાં નોટમ જાહેર કર્યું છે. મહત્વની વાત છે કે, આ નોટમને 3190 કિમી સુધી વધારી દેવામાં આવ્યું છે.આ પહેલા માત્ર 2530 કિમી સુધી જ હતું, પરંતુ હવે તે વધારીને 3190 કિમી કરી દેવામાં આવ્યું છે. બંગાળની ખાડીમાં આ વિસ્તારને ખાલી કરી દેવાનો આદેશ આપવામાં આવ્યો છે. એટલે કે, તારીખ પાંચ અને છ ફેબ્રુઆરી સુધીમાં કોઈ પણ પ્રકારની ઉડાનને પરવાનગી આપવામાં આવશે નહીં.
ભારત બંગાળની ખાડીમાં ફરી એકવાર એક મહત્વપૂર્ણ મિસાઈલ પરીક્ષણ કરી શકે છે. એટલા માટે નોટમની રેન્જ 3190 કિમી સુધી વધારી દેવામાં આવ્યું છે. નજીકમાં ભવિષ્યમાં કોઈ નવા જુનીના એંધાણ વર્તાઈ રહ્યાં છે. NOTAM જાહેર કરવામાં આવતા ભારત સમુદ્ર આધારિત મિસાઇલનું પરીક્ષણ કરવાની તૈયારી કરી રહ્યું છે, તેવી અટકળો વધી રહી છે. જોકે, મિસાઈલ પરીક્ષણ અંગે સત્તાવાર રીતે કોઈ જાહેરાત કરવામાં આવી નથી.
સત્તાવાર કોઈ જાણકારી ના આવતા માત્ર અટકળો થઈ રહી છે, જો કે, એ વાત હકીકત છે કે, આ પહેલા 22 ડિસેમ્બરથી 24 ડિસેમ્બર સુધી બંગાળની ખાડીાં 3240 કિમી સુધીનું નોટમ જાહેર કર્યું હતું. પરંતુ અત્યારે શા માટે નોટમ જાહેર કરવામાં આવ્યું? ભારત બંગાળની ખાડીમાં શું કરવાનો પ્લાન બનાવી રહ્યું છે? તે બાબતે કોઈ ચોક્કસ જાણકારી મળી નથી.
વિગતે વાત કરવામાં આવે તો, નોટમ એટલે નોટિસ ટુ એરમેન. આ એક પ્રકારની એવી નોટિસ છે, જેમાં યુદ્ધ કે પછી યુદ્ધ જેવી અસામાન્ય પરિસ્થિતિમાં યુદ્ધાભ્યાસ સમયે જાહેર કરવામાં આવે છે. આ દરમિયાન નિર્ધારિત સમય અને વિસ્તારમાં નાગરિક અને લશ્કરી ઉડ્ડયનની સલામતી સુનિશ્ચિત કરવામાં આવતી હોય છે. નોટમ જાહેર થાય તેનો અર્થ એ છે કે, યુદ્ધની સ્થિતિ છે કે,પછી કોઈ પ્રકારનું પરિક્ષણ કરવામાં આવી રહ્યું છે, જેમાં નાગરિકોની સુરક્ષા માટે હવાઈ અને દરિયાઈ ટ્રાફિકને અગાઉથી માહિતી આપી શકાય છે.
