અમેરિકન સામાન પર કેનેડાએ ઝિંક્યો 20 અબજ ડૉલરનો ટેરિફ

અમેરિકા અને કેનેડા વચ્ચે વેપાર વિવાદ વધુ વણસ્યો છે. અમેરિકાના રાષ્ટ્રપ્રમુખ ડોનાલ્ડ ટ્રમ્પના ટેરિફ વધારવાના નિર્ણય સામે કેનેડાએ મંગળવારે જવાબી કાર્યવાહી કરી છે. કેનેડાએ આશરે 20 અબજ યુએસ ડૉલરની કિંમતના અમેરિકન સામાન પર નવો ટેરિફ લાદી દીધો છે. આ યાદીમાં સ્ટીલ, ડેરી પ્રોડક્ટ્સ, હોમ એપ્લાયન્સિસ અને ખેતીના સાધનો સામેલ છે. બંને દેશો વચ્ચેની વેપાર વાટાઘાટો નિષ્ફળ ગયા બાદ અમેરિકાએ કેનેડાના સામાન પર 50 ટકા સુધી ટેરિફ લાદ્યો હતો, જેના જવાબમાં કેનેડાએ આ કડક પગલું ભર્યું છે.
આ ટ્રેડ વૉર માત્ર મોટા ઉદ્યોગો સુધી સીમિત નથી. કેનેડાએ લાદેલા નવા ટેરિફમાં સીફૂડ, ચીઝ, કપડાં, કોસ્મેટિક્સ અને ટોયલેટ પેપર જેવી રોજિંદા વપરાશની ચીજો પણ સામેલ છે. કેટલીક વસ્તુઓ પર ટેરિફનો દર વધારીને 50 ટકા સુધી કરી દેવામાં આવ્યો છે. કેનેડાના વડાપ્રધાન માર્ક કાર્નીએ અમેરિકા પર ગંભીર આક્ષેપો કરતાં જણાવ્યું છે કે, અમેરિકા કેનેડાને પોતાના નિયંત્રણ હેઠળ લાવવા માંગે છે. નિષ્ફળ રહેલી બેઠકો દરમિયાન અમેરિકાની શરતો અને માંગણીઓ પરથી સ્પષ્ટ જણાય છે કે તે કેનેડાના મુખ્ય ઉદ્યોગોને નબળા પાડવા કે બરબાદ કરવા ઈચ્છે છે.
કેનેડા દ્વારા જાહેર કરાયેલા આ નવા ટેરિફ 8 સપ્ટેમ્બરથી અમલમાં આવશે. જેમાં ઉત્પાદનો અનુ…