દાસ પેંડા વાળા દ્વારા મીઠાઈના દરેક બોક્સ પર સુસ્વાગતમ્ સ્ટીકર લગાવી વડાપ્રધાન મોદીને નવતર આવકાર

ગોહિલવાડના મહેમાન બનેલા દેશના યશસ્વી વડાપ્રધાન નરેન્દ્ર મોદીને હોડિંગ, બેનર અને રંગબેરંગી રોશનીથી શણગાર કરી આવકાર આપવામાં આવ્યો છે. ત્યારે ભાવનગરની મીઠાઈની પ્રતિષ્ઠિત અને વર્ષો જૂની પેઢી દાસ પેંડા વાળાએ વડાપ્રધાન મોદીને આવકારવા એક નવતર અને વિશિષ્ટ પ્રયોગ કર્યો છે.
દાસ પેંડા વાળા દ્વારા મોદીજીને આવકારવા શહેરમાં અને શહેરના પ્રવેશ દ્વારો પર વિશાળ હોડીંગ લગાવામાં આવ્યા છે ઉપરાંત તેમને ત્યાં ખરીદી કરવા આવતા દરેક ગ્રાહકને મીઠાઈના બોક્સ ઉપર વડાપ્રધાન મોદીના ફોટા સાથે સ્વાગતમ સ્ટીકર લગાવી આવકાર આપવામાં આવ્યો હતો.

દાસ પેંડા પરિવારના બૈજુભાઈ મહેતાએ જણાવ્યું હતું કે યશસ્વી વડાપ્રધાન મોદી હંમેશા કંઈક નવું કરવા જાણીતા છે ત્યારે તેમને આવકારવા અમારી મીઠાઈની પેઢી દ્વારા આ નવતર પ્રયોગ કરાયો હતો જે ગ્રાહકોને ખૂબ પસંદ આવ્યો છે.