ભાવનગર,તા.29
ભાવનગર,લોકલ ક્રાઇમ બ્રાન્ચ તથા પેરોલ ફર્લો સ્કવોડનાં માણસો ભાવનગર સીટી વિસ્તારમાં પેટ્રોલીંગમાં હતાં. તે દરમ્યાન બાતમીરાહે હકિકત મળેલ કે, સફેદ કલરનો શર્ટ તથા ભુરા કલરનું લોઅર પહેરેલ માણસ કાળા કલરનું લાલ-સીલ્વર પટ્ટાવાળું હોન્ડા શાઇન મોટર સાયકલ રજી. નંબર-GJ-04-CM 5285 લઇને મહિલા કોલેજ સર્કલથી દિપક ચોક સર્કલ તરફ જવાનાં રસ્તા ઉપર ઉભા છે.તેની પાસે સોનાનો ચેઇન છે.જે ચેઇન તે કયાંકથી ચોરી કરી લાવેલ હોવાની શંકા છે.
જે બાતમીવાળી જગ્યાએ આવતાં શખ્સ મુદ્દામાલ સાથે મળી આવેલ.જે મુદ્દામાલ અંગે તેની પુછપરછ કરતાં આજથી આશરે ચારેક દિવસ પહેલાં મોટર સાયકલ મહિલા કોલેજ પાસે આવેલ દેરાસર પાસે મુકીને દેરાસરથી સવારનાં દસેક વાગ્યાની આસપાસ ઘર તરફ જતાં એક બહેનની પાછળ-પાછળ જઇ બહેન ફલેટમાં લીફટ પાસે ઉભા હતાં.ત્યારે તે બહેનનાં ગળામાંથી સોનાનાં ચેઇનનાં બે જાટકા મારતાં ચેઇન તુટી જતાં દોડીને મોટર સાયકલ પાસે આવી મોટર સાયકલ લઇને ભાગી ગયેલ હોવાનું અને આજે પણ પોતે મહિલા કોલેજ પાસે સોનાનાં ચેઇનની ચીલઝડપ કરવા માટે આવેલ હોવાની કબુલાત કરેલ. જે અંગે તેનાં વિરૂધ્ધ કાયદેસર કાર્યવાહી કરી ઘોઘા રોડ પોલીસ સ્ટેશનમાં સોંપી આપવામાં આવેલ.
પકડાયેલ ઇસમઃ-
નરેશભાઇ માધાભાઇ ચૌહાણ/કોળી ઉ.વ.૩૦ ધંધો-હિરાનો રહે.મંગળસિંહ રાણાનાં મકાનમાં,પટેલનગર,મીલ્ટ્રી સોસાયટી પાસે,ભાવનગર મુળ-રાતળાવ તા.ધોલેરા જી.અમદાવાદ
કબ્જે કરેલ મુદ્દામાલઃ-
1. કાળા કલરનું લાલ-સીલ્વરપટ્ટાવાળું હોન્ડા કંપનીનું શાઇન મોટર સાયકલ રજી.નંબર-GJ-04-CM 5285 કિ.રૂ.૩૦,૦૦૦/-
2. ફેન્સી ડીઝાઇનનો ૨૮ ઇંચ લંબાઇનો સોનાનો ચેઇન-વજન-૩૧ ગ્રામ ૪૧૦ મીલીગ્રામ નવી કિ.રૂ.૧,૫૮,૮૦૦/-મળી કુલ રૂ.૧,૮૮,૮૦૦/-નો મુદ્દામાલ