EDએ ગુરુવારે કહ્યું કે તેણે તાજેતરમાં જ ફોરેન એક્સચેન્જ મેનેજમેન્ટ એક્ટ (FEMA) ની જોગવાઈઓનું ઉલ્લંઘન કરવા અને ચીનને 82 કરોડ રૂપિયા મોકલવા બદલ ચીની કંપની પિજન એજ્યુકેશન ટેક્નોલોજી ઈન્ડિયા વિરુદ્ધ કાર્યવાહી કરી છે.
બેંગલુરુમાં કંપનીની બે ઓફિસ પર દરોડા પાડવામાં આવ્યા હતા. દરોડા દરમિયાન ઇલેક્ટ્રોનિક ઉપકરણોમાંથી વિવિધ દસ્તાવેજો અને ફોરેન્સિક બેકઅપ જપ્ત કરવામાં આવ્યા હતા. પિજન એજ્યુકેશન ટેક્નોલોજી ઈન્ડિયા ઓડક્લાસના નામ હેઠળ ઓનલાઈન શિક્ષણ પ્રદાન કરે છે. દરોડા દરમિયાન જાણવા મળ્યું હતું કે કંપની ગેરકાયદેસર રીતે સંપૂર્ણ રીતે ચીની નાગરિકોની માલિકીની હતી.
કંપનીના વર્તમાન ડિરેક્ટર લિયુ કેન અને વેદાંત હમીરવાસિયા છે. લિયુ કેન ચીનનો નાગરિક છે. કંપનીની સમગ્ર બાબતો ચીનના લિયુ કેન દ્વારા સંભાળવામાં આવે છે. ભારતીય ડિરેક્ટરનો કંપનીની બાબતો પર કોઈ નિયંત્રણ નથી. આ કંપની એવા જૂથનો ભાગ છે જેની હોલ્ડિંગ કંપની કેમેન ટાપુઓમાં છે. ચીની ડાયરેક્ટર ભારતમાં કંપનીના તમામ બેંક ખાતાના અધિકૃત હસ્તાક્ષરકર્તા છે.
આ ચીનથી ઓનલાઈન ઓપરેટ થઈ રહ્યા છે. કંપનીએ ચીની વ્યક્તિઓના નિર્દેશ પર માર્કેટિંગ ખર્ચના નામે લગભગ 82 કરોડ રૂપિયા ચીન મોકલ્યા હતા. ઇડીએ એમ પણ કહ્યું કે ગયા વર્ષે રાજીનામું આપનાર કંપનીના ભૂતપૂર્વ ડિરેક્ટર સુશાંત શ્રીવાસ્તવ, પ્રિયંકા ખંડેલવાલ અને હિમાંશુ ગર્ગની ભૂમિકાની પણ તપાસ કરવામાં આવી રહી છે.
