શાહરૂખ ખાનના ચાહકો માત્ર તેની એક ઝલક જોવા માટે તલપાપડ થતા હોય છે. આવી સ્થિતિમાં જ્યારે સુપરસ્ટાર શ્રીનગર એરપોર્ટ પર પહોંચ્યો ત્યાં મોટી સંખ્યામાં તેના ફેન્સ જોવા મળ્યા હતા. ભીડથી ઘેરાયેલો શાહરૂખ ખાન વીડિયોમાં જોવા મળ્યો હતો.
શ્રીનગર એરપોર્ટ પર જ્યારે કિંગ ખાનને તેના ચાહકોએ જોયો તો તરત જ મોબાઈલ ફોન સાથે એક સેલ્ફી લેવા માટે પહોંચી ગયા હતા.
છેલ્લા કેટલાક સમયથી શાહરૂખ કાશ્મીરમાં ફિલ્મ ડંકીના શૂટિંગમાં વ્યસ્ત હતો. શાહરૂખના કેટલાક વીડિયો કાશ્મીરમાંથી પણ સામે આવ્યા હતા. હવે કાશ્મીરના એરપોર્ટ પરથી તેનો વધુ એક વીડિયો સામે આવ્યો છે. જે હાલમાં સોશિયલ મીડિયા પર વાયરલ થઈ રહ્યો છે.
વાયરલ થઈ રહેલા વીડિયોમાં કિંગ ખાન કાશ્મીરના શ્રીનગર એરપોર્ટ પર જોવા મળ્યો હતો જ્યાં ટોળાએ તેને ઘેરી લીધો હતો. ચાહકો તેમના મનપસંદ સ્ટાર સાથે ક્લિક કરેલી તસવીર મેળવવાનો પ્રયાસ કરી રહ્યા હતા. જો કે, આ દરમિયાન શાહરૂખ ખાન ખૂબ જ અસ્વસ્થ દેખાઈ રહ્યો હતો અને ભીડમાંથી બહાર નીકળવાનો પ્રયાસ કરી રહ્યો હોવાનું જોવા મળ્યું હતું. આ દરમિયાન તેમના હાઉન્સર્સ પણ લોકોને તેમનાથી દૂર રાખવાનો પ્રયાસ કરતા જોવા મળ્યા હતા. કેટલીક તસવીરોમાં અભિનેતા ચાહકો સાથે પોઝ આપતો પણ જોવા મળ્યો હતો. શાહરૂખ હાલમાં ડંકીનું શ્રીનગર શિડ્યુલ પૂરું કરીને મુંબઈ પરત ફર્યો છે.
