વડાપ્રધાન નરેન્દ્ર મોદીને ફ્રાન્સ દ્વારા લીજન ઓફ ઓનરથી નવાજવામાં આવ્યા છે. નોંધનીય છે કે, લીજન ઓફ ઓનર તે ફ્રેન્ચનું સર્વોચ્ચ સન્માન છે. મોદી આ સન્માન મેળવનાર પ્રથમ ભારતીય વડાપ્રધાન છે. વિશ્વભરમાંથી પસંદગીના અગ્રણી નેતાઓ અને પ્રતિષ્ઠિત હસ્તીઓને લીજન ઓફ ઓનર એનાયત કરવામાં આવ્યું છે. આમાં દક્ષિણ આફ્રિકાના ભૂતપૂર્વ પ્રમુખ નેલ્સન મંડેલા, તત્કાલીન પ્રિન્સ ઑફ વેલ્સ, કિંગ ચાર્લ્સ, ભૂતપૂર્વ જર્મન ચાન્સેલર એન્જેલા મર્કેલ, સંયુક્ત રાષ્ટ્રના ભૂતપૂર્વ મહાસચિવ બૌટ્રોસ બૌટ્રોસ-ઘાલી વગેરેનો સમાવેશ થાય છે.
