અયોધ્યા જંકશન હવે અયોધ્યા ધામ જંકશન

અયોધ્યા જંકશન હવે અયોધ્યા ધામ જંકશન તરીકે ઓળખાશે. મુખ્યમંત્રી યોગી આદિત્યનાથની ઈચ્છા પૂરી થઈ. રેલવેએ બુધવારે મોડી સાંજે સ્ટેશનનું નામ બદલવાનો આદેશ જારી કર્યો હતો. બીજેપી સાંસદ લલ્લુ સિંહે પણ સોશિયલ મીડિયા પર આ અંગે એક ટ્વિટ કર્યું છે. હાલમાં જ અયોધ્યા જંક્શનનું નિરીક્ષણ કરતી વખતે સીએમ યોગીએ સ્ટેશનનું નામ બદલવાની ઈચ્છા વ્યક્ત કરી હતી. સોશિયલ મીડિયા દ્વારા સાંસદ લલ્લુ સિંહે વડાપ્રધાન નરેન્દ્ર મોદી અને રેલવે મંત્રી અશ્વિની વૈષ્ણવનો આભાર માન્યો હતો. હવે અયોધ્યા જંકશન અયોધ્યા ધામ જંકશન તરીકે ઓળખાશે. 30 ડિસેમ્બરે વડાપ્રધાન નરેન્દ્ર મોદી અયોધ્યા ધામ જંકશન રેલ્વે સ્ટેશનની નવી ઇમારતનું ઉદ્ઘાટન કરશે.
અયોધ્યા રેલ્વે સ્ટેશનને ત્રેતાયુગનું પ્રદર્શન કરવા માટેનું સ્થળ તરીકે તૈયાર કરવામાં આવ્યું છે. આ સ્ટેશન જોઈને તમને એક ભવ્ય મંદિર જેવો અનુભવ થશે. રામ મંદિર અહીંથી લગભગ એક કિલોમીટર દૂર છે. આ સ્ટેશનની ક્ષમતા અંદાજે 50 હજાર મુસાફરોની છે. વડાપ્રધાન નરેન્દ્ર મોદી 30 ડિસેમ્બરે તેનું ઉદ્ઘાટન કરશે. કરોડો રૂપિયાના ખર્ચે રેલવે સ્ટેશન બિલ્ડિંગને મંદિર તરીકે વિકસાવવામાં આવી હતી. મુસાફરો માટે આધુનિક સુવિધાઓ છે. લિફ્ટ અને એસ્કેલેટર લગાવવામાં આવ્યા હતા. આ ઉપરાંત ઘણી મોટી સુરક્ષા વ્યવસ્થા કરવામાં આવી છે.