મતગણતરી પહેલા આજે ચૂંટણી આયોગની પત્રકાર પરિષદ

લોકસભા ચૂંટણી 2024 પૂર્ણ થયા બાદ હવે આવતીકાલે એટલે કે 4 જૂનના રોજ પરિણામ જાહેર થશે. આ દરમિયાન એક મોટી અપડેટ સામે આવી છે. વાત જાણે એમ છે કે, લોકસભા ચૂંટણીની મત ગણતરીના એક દિવસ પહેલા ચૂંટણી પંચ આજે પ્રેસ કોન્ફરન્સ કરશે. લોકસભા ચૂંટણી સાત તબક્કામાં યોજાઈ હતી જે 19 એપ્રિલથી શરૂ થઈ હતી અને 1 જૂનના રોજ સમાપ્ત થઈ હતી. અહી નોંધનિય છે કે, કદાચ આવું પહેલીવાર બની રહ્યું છે કે, મતદાન પૂર્ણ થયા બાદ ચૂંટણી પંચ પ્રેસ કોન્ફરન્સનું આયોજન કરવા જઈ રહ્યું છે.
ચૂંટણી પંચ દ્વારા મીડિયાને મોકલવામાં આવેલા આમંત્રણમાં કહેવામાં આવ્યું છે કે, ચૂંટણી પંચ લોકસભા ચૂંટણી 2024 પર એક પ્રેસ કોન્ફરન્સનું આયોજન કરશે. છેલ્લી લોકસભા ચૂંટણી સુધી નાયબ ચૂંટણી કમિશનર દરેક તબક્કાના મતદાન પછી મીડિયા બ્રીફિંગ કરતા હતા પરંતુ હવે આ પ્રથા નાબૂદ કરવામાં આવી છે. 4 જૂને લોકસભા ચૂંટણીની મતગણતરીનાં એક દિવસ પહેલા ચૂંટણી પંચ આજે બપોરે 12.30 કલાકે દિલ્હીમાં પ્રેસ કોન્ફરન્સ યોજવાનું છે. દેશના ચૂંટણી ઈતિહાસમાં કદાચ આ પહેલીવાર હશે જ્યારે ચૂંટણી પંચે ચૂંટણીના અંતે પત્રકાર પરિષદ બોલાવી હોય.