PM નરેન્દ્ર મોદી આજે રશિયાના પ્રવાસે જશે. તેઓ 8 અને 9 જુલાઈના રોજ રશિયામાં રહેશે. આ દરમિયાન મોદી 22 મી ભારત-રશિયા વાર્ષિક સમિટમાં ભાગ લેશે. PM મોદીને ખુદ વ્લાદિમીર પુતિને રશિયા આવવાનું આમંત્રણ આપ્યું હતું. ત્રીજી વખત PM બન્યા બાદ નરેન્દ્ર મોદીની રશિયાની આ પ્રથમ મુલાકાત હશે. અગાઉ તેઓ 2019 માં રશિયા ગયા હતા.
મોદીના સ્વાગત માટે રશિયામાં મોટા પાયે તૈયારીઓ કરવામાં આવી રહી છે. તેઓ આજે રશિયાની રાજધાની મોસ્કો પહોંચશે. તેમના સ્વાગત માટે મોસ્કો શહેરના વિવિધ સ્થળોએ સ્વાગત દ્વાર બનાવવામાં આવ્યા છે. સ્વાગત માટે સાંસ્કૃતિક કાર્યક્રમો પણ યોજાશે. આ માટેનું રિહર્સલ ત્યાં ચાલી રહ્યું છે. મોદીના સ્વાગત માટે ડાન્સ અને ગીતો રજૂ કરવાની તૈયારીઓ ચાલી રહી છે. આ ઉપરાંત અનેક પ્રકારના કાર્યક્રમોનું પણ આયોજન કરવામાં આવશે. ભારતીય સમુદાયના લોકો PM મોદીનું સ્વાગત કરવા આતુર છે.
PM મોદી રશિયાના રાષ્ટ્રપતિ વ્લાદિમીર પુતિનના આમંત્રણ પર મોસ્કો જઈ રહ્યા છે. પુતિન પોતાના મિત્ર PM મોદીને મળવા માટે બેતાબ છે. આ દરમિયાન PM મોદી 22 મી ભારત-રશિયા વાર્ષિક સમિટમાં ભાગ લેશે. કોરોનાના કારણે આ સમિટ ત્રણ વર્ષ બાદ યોજાઈ રહી છે. નોંધનીય છે કે PM મોદી કોરોના બાદ પ્રથમ વખત રશિયા જઈ રહ્યા છે. આ પહેલા તેઓ 2019 માં રશિયા ગયા હતા.
