NEET પેપર લીકની તપાસ કરતી કેન્દ્રીય તપાસ એજન્સી CBI એક પછી એક મામલાના તળિયે પહોંચવાનો પ્રયાસ કરી રહી છે. આ સંદર્ભે અત્યાર સુધીની તપાસમાં સામે આવ્યું છે કે આરોપી ઉમેદવારોએ ૩૫ થી ૬૦ લાખ રૂપિયા આપીને પ્રશ્નપત્રો ખરીદ્યા હતા. પ્રાપ્ત માહિતી અનુસાર, બિહારના ઉમેદવારોએ ૩૫ થી ૪૫ લાખ રૂપિયામાં પેપર ખરીદ્યા હતા. જ્યારે અન્ય રાજ્યોના ઉમેદવારોને ૫૫ થી ૬૦ લાખ રૂપિયામાં પેપર આપવાનું નક્કી કરાયું હતું .તપાસ દરમિયાન જાણવા મળ્યું કે અત્યાર સુધીમાં ૧૫૦ જેટલા ઉમેદવારોએ પ્રશ્નપત્ર મેળવ્યા હતા. આમાંથી કેટલાકનું પરીક્ષા કેન્દ્ર ઝારખંડના હજારીબાગમાં અને કેટલાકનું મહારાષ્ટ્રના લાતુર જિલ્લામાં હતું. ગુજરાતના ગોધરામાં અને બિહારની રાજધાની પટનામાં કેટલાક ઉમેદવારોના પરીક્ષા કેન્દ્રો હતા.
સેન્ટ્રલ ઇન્વેસ્ટિગેશન એજન્સીની ટીમ પણ તે સેટિંગની તપાસમાં વ્યસ્ત છે કે જેના કારણે આ શહેરોમાં પરીક્ષા કેન્દ્રો બનાવવામાં આવ્યા હતા અથવા પેપર લીક ગેંગ દ્વારા આ કેન્દ્રોના પસંદગીના વિદ્યાર્થીઓને પ્રશ્નપત્ર મોકલવામાં આવ્યા હતા. પેપર લીક થયા બાદ પ્રશ્નપત્ર મેળવનાર ૧૫૦ વિદ્યાર્થીઓમાંથી ૮૦ થી ૯૦ જેટલા ઉમેદવારોને સારા રેન્ક મળ્યા નથી. આ પહેલા સમગ્ર પેપર લીક કેસની તપાસ બિહાર પોલીસની આર્થિક અપરાધ શાખા દ્વારા કરવામાં આવી રહી હતી. જો કે, પાછળથી કેન્દ્ર તરફથી સૂચના મળતાં, સમગ્ર એપિસોડની તપાસ સીબીઆઈને સોંપવામાં આવી હતી.
પેપર લીક કેસની તપાસમાં એક મહિના જેટલો સમય થવાનો છે. પરંતુ હજુ સુધી માસ્ટર માઈન્ડની ઓળખ થઈ શકી નથી. આ કેસનો કિંગપીન કહેવાતો સંજીવ મુખિયા ફરાર છે. જોકે, તેના સાગરિતો અને સહયોગીઓ સીબીઆઈની કસ્ટડીમાં છે, જેમાં રોકી અને ચિન્ટુનો સમાવેશ થાય છે. એવો આરોપ છે કે રોકીએ ઝારખંડના હજારીબાગની ઓએસિસ સ્કૂલમાં જઈ રહેલા ફચ્ચ્વ્ના પેપર્સ બહાર કાઢયા હતા અને પછી ચિન્ટુ દ્વારા પેપર બિહાર મોકલ્યા હતા. ચિન્ટુ સંજીવ મુખિયાની ભત્રીજીનો પતિ છે. ફચ્ચ્વ્ પેપર લીક કેસના મોટાભાગના આરોપીઓ નવાદા જિલ્લાના રહેવાસી છે.
