મુંબઈમાં અનંત અને રાધિકા અંબાણીનાં લગ્નના ભવ્ય સમારંભની તસવીરો હજી પણ લોકોના મસ્તિષ્કમાં જડાયેલી છે ત્યારે લંડનમાં પોસ્ટ વેડિંગ ઇવેન્ટ્સની તૈયારીઓ ચાલી રહી છે. પરિવારના સભ્યો લંડન પહોંચી ગયા છે. એ માટે 300 એકરમાં બનેલી અંબાણીની મહેલ જેવી સ્ટોક પાર્ક કન્ટ્રી ક્લબ એન્ડ હોટલ સપ્ટેમ્બર સુધી બુક કરી લેવાઈ છે. મુકેશ અંબાણીએ 2021માં 592 કરોડ રૂપિયામાં આ હોટલ ખરીદી હતી.
સ્ટોક પાર્ક હોટલમાં 49 આલીશાન ઓરડા, 3 શ્રેષ્ઠ રેસ્તોરાં, 13 ટેનિસ કોર્ટ, 4000 વર્ગ ફૂટનું જિમ, એક ફિટનેસ સેન્ટર, ઇન્ડોર અને આઉટડોર સ્વીમિંગ પૂલ અને 27 હોલ ચૅમ્પિયનશિપ ગોલ્ફ કોર્સ પણ છે.
‘ધ સન’ અનુસાર 2 મહિના ઇવેન્ટ્સનો સીલસીલો ચાલશે. પૂર્વ બ્રિટિશ પીએમ ટોની બ્લેર, બોરિસ જૉન્સન, અને પ્રિન્સ હૅરી સહિત અનેક આંતરરાષ્ટ્રીય અને ભારતીય હસ્તીઓ આવશે.
લંડનમાં અનંત અને રાધિકા અંબાણીની પોસ્ટ વેડિંગ ઇવેન્ટ્સની તૈયારીઓ
સ્ટોક પાર્ક કન્ટ્રી ક્લબ એન્ડ હોટલ સપ્ટેમ્બર સુધી બુક : બે મહિના સુધી પાર્ટી, હસ્તિઓનો સીલસીલો
