મોદીએ ભારતીય પેરાલિમ્પિક મેડલ વિજેતાઓ સાથે ફોન પર આપ્યા અભિનંદન

વડાપ્રધાન નરેન્દ્ર મોદીએ રવિવારે પેરિસ પેરાલિમ્પિક્સમાં મેડલ જીતનાર પેરા એથ્લેટ્સ સાથે ફોન પર વાત કરી અને તેમના પ્રયાસોની પ્રશંસા કરી. અધિકારીઓના જણાવ્યા અનુસાર, પીએમએ આ સમયગાળા દરમિયાન મોના અગ્રવાલ, પ્રીતિ પાલ, મનીષ નરવાલ અને રૂબીના ફ્રાન્સિસ સાથે વાત કરી હતી.
આ દરમિયાન પીએમ મોદીએ દરેક મેડલ વિજેતાઓને કહ્યું કે તેઓએ તેમના પ્રદર્શનથી દેશને ગૌરવ અપાવ્યું છે. અધિકારીઓએ જણાવ્યું હતું કે મોદીએ અવની લેખરાને તેની આગામી સ્પર્ધાઓ માટે શુભેચ્છા પાઠવી હતી. એવું જાણવા મળે છે કે અવની વડાપ્રધાન સાથે ફોન પર વાત કરી શકી ન હતી કારણ કે તે અન્ય સ્પર્ધામાં ભાગ લઈ રહી હતી.