છત્તીસગઢ- મહારાષ્ટ્ર બોર્ડરે 1 મહિલા સહિત 3 નક્સલીઓ ઠાર

છત્તીસગઢ અને મહારાષ્ટ્રના નારાયણપુર જિલ્લાની સરહદ પર સુરક્ષા દળો અને નક્સલવાદીઓ વચ્ચે ભારે અથડામણ થઈ છે. આ એન્કાઉન્ટરમાં ત્રણ નક્સલવાદીઓ માર્યા ગયા છે. આ એન્કાઉન્ટરમાં 2 પુરુષ અને 1 મહિલા સહિત 3 નક્સલી માર્યા ગયા. માર્યા ગયેલા નક્સલીઓ પાસેથી એકે 47 અને અન્ય હથિયારો અને દારૂગોળો મળી આવ્યો છે.
આ વિસ્તારમાં મોટી સંખ્યામાં નક્સલીઓ હોવાની સંભાવના છે. સુરક્ષા દળોએ આ વિસ્તારને ઘેરી લીધો છે. સુરક્ષાદળોએ નક્સલીઓ પાસેથી ત્રણ ઓટોમેટિક હથિયારો પણ જપ્ત કર્યા છે.
નારાયણપુરના એસપી પ્રભાત કુમારે આ એન્કાઉન્ટરની પુષ્ટિ કરી છે. બસ્તરના આઈજી પી સુંદરરાજ સમગ્ર એન્કાઉન્ટર પર નજર રાખી રહ્યા છે. એન્કાઉન્ટર ચાલુ છે. સૈનિકો તરફથી જોરદાર જવાબી કાર્યવાહી ચાલી રહી છે. જણાવી દઈએ કે દંતેવાડા અને બીજાપુર જિલ્લામાં છેલ્લા 24 કલાકમાં કુલ 12 નક્સલવાદીઓએ આત્મસમર્પણ કર્યું હતું. રવિવારે આત્મસમર્પણ કરનારાઓમાં ત્રણ મહિલા નક્સલીઓનો પણ સમાવેશ થાય છે. આત્મસમર્પણ કરનારા નક્સલવાદીઓ પર 20 લાખ રૂપિયાના ઈનામની જાહેરાત કરવામાં આવી હતી.