હોમગાર્ડઝના સિનીયર પ્લાટુન કમાન્ડરને મુખ્યમંત્રી ચંદ્રક જાહેર

ગુજરાત પોલીસ અને સ્થાનિક પ્રશાસન સાથે ખભે ખભો મેળવી કાયદો વ્યવસ્થા, કુદરતી કે માનવ સર્જિત આપત્તિ વ્યવસ્થાપન, તાલીમ, પરેડ, શિસ્ત, હોમગાર્ડઝ કલ્યાણ પ્રવૃત્તિઓ, ફરજ પ્રત્યે નિષ્ઠામાં ભાવનગર જિલ્લો ગુજરાત હોમગાર્ડઝ દળમાં અગ્રેસર છે.
ગુજરાત રાજ્ય ગૃહ વિભાગના ગુજરાત હોમગાર્ડઝ દળમાં ભાવનગર શહેર હોમગાર્ડઝ યુનિટના સિનીયર પ્લાટુન કમાન્ડર મોહનીશ વસાવડાને હોમગાર્ડઝ દળમાં ફરજ પ્રત્યે નિષ્ઠા અને પ્રશંસનીય વિશિષ્ટ સેવા સિદ્ધી બદલ ૨૬ જાન્યુઆરી, ૨૦૨૫ પ્રજાસતાક દિવસ પ્રસંગે ગુજરાત રાજ્યના મુખ્યમંત્રી દ્વારા મુખ્યમંત્રી ચંદ્રક જાહેર થયેલ છે. સિનિયર પ્લાટુન કમાન્ડર મોહનીશ વસાવડાની પ્રશંશનીય કામગીરી, વિશિષ્ટ સેવા અને સિદ્ધિના અનુસંધાને સરકારનો લોકાભિમુખ વહીવટ તથા યુવાઉત્સાહ સવિશેષ વેગવંત બનેલ છે. જે અન્વયે ભાવનગર જિલ્લાનો શિહોર ખાતે યોજાનાર ૭૬મા પ્રજાસત્તાક દિવસની ઉજવણી પ્રસંગે ભાવનગર જિલ્લા પ્રશાસન વતી ઉપસ્થિત રાજ્ય સરકારનાં શિક્ષણ મંત્રી ડૉ. કુબેરભાઈ ડીંડોરનાં વરદ હસ્તે મહાનુભાવોની ઉપસ્થિતિમાં નિષ્ઠાવાન હોમગાર્ડઝ અધિકારી મોહનીશ વસાવડાને સન્માનવામાં આવશે.