શુક્રવારે ચંદીગઢમાં હવાઈ હુમલાનું એલર્ટ જાહેર કરવામાં આવ્યું છે. શહેરમાં સાયરનના અવાજો ગુંજી રહ્યા છે. ચંદીગઢ પ્રશાસને લોકોને ઘરે રહેવાની અપીલ કરી છે. લોકોને તેમના ઘરની બારીઓથી દૂર રહેવાનું પણ કહેવામાં આવ્યું છે. રાજસ્થાનના જેસલમેરમાં પાકિસ્તાન સરહદ નજીકના ગામડાઓ ખાલી કરાવવામાં આવી રહ્યા છે. સરહદથી 20 કિલોમીટરની અંદર આવેલા ગામડાઓને ખાલી કરાવવામાં આવી રહ્યા છે. ન્યૂઝ એજન્સી ANI અનુસાર ભારતે LoC અને આંતરરાષ્ટ્રીય સરહદ (IB) પર 50 થી વધુ પાકિસ્તાની ડ્રોનને તોડી પાડ્યા છે.
આરએસપુરા સેક્ટરમાં પાકિસ્તાન તરફથી ભારે ગોળીબાર થઈ રહ્યો છે. નિયંત્રણ રેખા નજીક કુપવાડા અને બારામુલ્લામાં ભારે ગોળીબાર થઈ રહ્યો છે. ભારતીય સેના જવાબ આપી રહી છે. સતવારી, સાંબા, આરએસપુરા સેક્ટર અને અરનિયામાં 8 મિસાઇલો છોડવામાં આવી હતી. ભારતીય S-400 એર ડિફેન્સ સિસ્ટમ દ્વારા પણ આને નિષ્ફળ બનાવવામાં આવ્યા હતા.
પાકિસ્તાન તરફથી થઈ રહેલા હુમલાઓને ધ્યાનમાં રાખીને, જમ્મુમાં સરહદ નજીક રહેતા લોકોને બંકરોમાં લઈ જવામાં આવ્યા છે. સમગ્ર કાશ્મીરમાં વીજળી કાપી નાખવામાં આવી છે. બીજી તરફ, જમ્મુ-કાશ્મીરના સાંબા વિસ્તારમાં BSF જવાનોએ 7 આતંકવાદીઓને ઠાર માર્યા હતા. આતંકવાદીઓની હિલચાલની માહિતી મળ્યા બાદ અહીં સર્ચ ઓપરેશન ચલાવવામાં આવી રહ્યું છે.
