અમેરિકન પ્રમુખ ડોનાલ્ડ ટ્રમ્પે ગઈકાલે શુક્રવારે જાહેરાત કરી કે, દક્ષિણ આફ્રિકામાં આ વર્ષે યોજાનારી જી20 શિખર સંમેલનમાં કોઈપણ અમેરિકન સરકારી અધિકારી ભાગ નહીં લે. તેમણે તેનું કારણ દક્ષિણ આફ્રિકન સરકાર દ્વારા શ્વેત ખેડૂતો સાથે થતો કથિત દુર્વ્યવહાર જણાવ્યું. આ વર્ષે દક્ષિણ આફ્રિકામાં યોજાતી જી-20 શિખર સંમેલનમાં કોઈપણ અમેરિકન સરકારી અધિકારી ભાગ નહીં લે. કારણ કે, દક્ષિણ આફ્રિકામાં શ્વેત ખેડૂતો સાથે દુર્વ્યવહાર કરવામાં આવે છે. જોકે, દક્ષિણ આફ્રિકન અધિકારીઓએ ટ્રમ્પના દાવાને નકારી દીધા છે.
ટ્રમ્પે પહેલાં જાહેરાત કરી હતી કે, તે 22-23 નવેમ્બરે પ્રમુખ અને ઉભરતી અર્થવ્યવસ્થાઓના નેતાઓની બેઠકમાં ભાગ નહીં લે અને તેની બદલે ઉપપ્રમુખ જેડી વેન્સની સામેલ થવાની આશા હતી. જોકે, વેન્સની યોજનાઓથી પરિચિત એક સૂત્રએ જણાવ્યું કે, વેન્સ હવે શિખર સંમેલન માટે દક્ષિણ આફ્રિકા નહીં જાય. ટ્રમ્પે પોતાના સોશિયલ મીડિયા પ્લેટફોર્મ પર લખ્યું, આ સંપૂર્ણ રીતે અપમાન જનક છે કે, જી-20 દક્ષિણ આફ્રિકામાં આયોજિત કરવામાં આવશે. તેમણે દક્ષિણ આફ્રિકા પર શ્વેત આફ્રિકન લોકો સાથે દુર્વ્યવહાર કરવાનો આરોપ લગાવ્યો, જેમાં જમીન પર કબ્જો અને હિંસક હુમલા સામેલ છે.ટ્રમ્પ વહીવટી તંત્રએ દક્ષિણ આફ્રિકન સરકારની વારંવાર ટીકા કરી છે અને આરોપ લગાવ્યો કે, તે અલ્પસંખ્યક શ્વેત ખેડૂતો સામે ભેદભાવ અને હિંસાને પ્રોત્સાહન આપે છે. આ વર્ષની શરૂઆતમાં વહીવટી તંત્રએ જાહેરાત કરી હતી કે, તે પોતાના 7500 શરણાર્થીની વાર્ષિક સંખ્યામાં ભારે કાપ સાથે શ્વેત આફ્રિકનને પ્રાથમિકતા આપશે. વૈશ્વિક આર્થિક અને રાજકીય મુદ્દાઓ પર ચર્ચા કરવા માટેનું એક મુખ્ય મંચ, G20 સમિટ, નવેમ્બરના અંતમાં દક્ષિણ આફ્રિકાના જોહાન્સબર્ગમાં યોજાવાનું છે.
