ભાવનગરનાં શિહોરની ગોપીનાથજી મહિલા કોલેજ ખાતે આયોજિત ૩૬ મી નેશનલ ગેમ્સનાં જાગૃતિ કાર્યક્રમમાં ખેલાડીઓ વચ્ચે “ક્ષેપક ટકરાવ” ની રમત રમાડવામાં આવી હતી. આ રમતને જાેઇને અધિકારીઓ અને પદાધિકારીઓમાં રમતનો જુસ્સો આવી ગયો હતો. અને તેઓએ પણ તેમના રમતના કૌશલ્યને ઝળકાવાની તક જાેતાં તેઓ પણ આ રમત રમવાં માટે મેદાનમાં આવી ગયાં હતાં.
જિલ્લા કલેકટર યોગેશ નિરગુડે ટેનિસનાં ખૂબ સારા ખેલાડી છે તે સૌ કોઇ જાણે છે પરંતુ આજે તેઓ હાથથી રમવાની રમત સાથે પગથી રમવાની રમતના પણ આલા ખેલાડી છે તે તેમની રમતથી પુરવાર કર્યું હતું.
વાળુકડ ખાતે રસ્સા ખેંચની સ્પર્ધામાં જાેડાતા ડીડીઓ ઃ લોક વિદ્યાલય, વાળુકડ ખાતે રાષ્ટ્રીય રમતોત્સવ સંદર્ભે ‘રમત દ્વારા એકતાની ઉજવણી’ કાર્યક્રમમાં ભાવનગર જિલ્લા વિકાસ અધિકારી ડો. પ્રશાંત જિલોવાની અધ્યક્ષતામાં યોજાયો હતો. તેમણે ગુજરાતમાં યોજાનાર રમતોત્સવ અંગે આનંદ વ્યક્ત કરતાં જણાવ્યું હતું કે, ગુજરાત કોરોના બાદ પ્રથમ વખત આ ગેમની યજમાની કરી રહ્યું છે. રમતો માનસિક તાણ ઘટાડવામાં અને સ્વાસ્થ્યની રક્ષા કરવામાં મહત્વપૂર્ણ સાબિત થાય છે. આ તકે તેઓ રસ્સા ખેંચની સ્પર્ધામાં જાેડાયા હતાં.
મ્યુ. કમિશનર ઉપાધ્યાયે ટેબલ ટેનિસ રમી ઉત્સાહ વધાર્યો
સરદાર પટેલ ઇન્સ્ટિટ્યૂટ ખાતે આવેલી જી.એલ. કાકડિયા કોલેજ ખાતે નેશનલ ગેમ્સની જાગૃતિ અંગેનો કાર્યક્રમ યોજાયો હતો જેમાં ઓનલાઇન ગેમ છોડી મેદાની રમતો રમી માનસિક રીતે સુસજ્જતા કેળવવાં મ્યુનિસિપલ કમિશનર એન.વી. ઉપાધ્યાયએ આહ્વવાન કર્યું હતું. આ તકે કમિશનરે ટેબલ ટેનિસ રમી વિદ્યાર્થીઓનો ઉત્સાહ વધાર્યો હતો.
નેશનલ ગેમ્સનો જાગૃતિ અંગેનો કાર્યક્રમ રેન્જ આઇ.જી., એસ.પી.ના અધ્યક્ષસ્થાને યોજાયો
ગુજરાત રાજ્યમાં યોજાઈ રહેલી ‘૩૬ મી નેશનલ ગેમ્સ’ રાજયના છ શહેરો અમદાવાદ, વડોદરા, સુરત, રાજકોટ, ભાવનગર, અને ગાંધીનગર ખાતે યોજાનાર છે. જેનાં ભાગરૂપે ભાવનગર શહેરની કે.પી.ઈ.એસ. કોલેજ ખાતે ‘૩૬મી નેશનલ ગેમ્સ’નો જાગૃતિ અંગેનો કાર્યક્રમ રેન્જ આઇ.જી. અશોકકુમાર યાદવનાં અધ્યક્ષસ્થાને યોજાયો હતો. જ્યારે તળાજા ખાતે આવેલ વાય.જે.દોશી કોમર્સ એન્ડ આર્ટ્સ કોલેજ ખાતે જિલ્લા પોલીસ અધિક્ષક ડો.રવિન્દ્ર પટેલની ઉપસ્થિતિમાં કાર્યક્રમ યોજાયો હતો. આ અવસરે ખેલાડીઓ વચ્ચે કબડ્ડીની ગેમ રમાડવામાં આવી હતી.
