સરકાર સામે જંગે ચડેલા માલધારીઓએ લડતને અસરકારક બનાવવા આજે બુધવારે હડતાલ કરીને દૂધની સપ્લાય ઠપ્પ કરી છે જેના પગલે શહેરોમાં દૂધની અછત જોવા મળી છે. ભાવનગરમાં આજે સવારથી મોટાભાગના અમુલ દૂધ પાર્લરો પણ બંધ જોવા મળ્યા હતા. માલધારીઓની હડતાલને પગલે અમૂલે ગત રાત્રે જ દૂધનો વધુ પુરવઠો પાર્લરો સુધી પહોંચાડ્યો હતો પરંતુ હડતાલમાં દૂધની અછત સર્જાવાની બીકે ગ્રાહકોએ દૂધની થેલીઓ મેળવવા પડાપડી કરી હતી અને બિનજરૂરી વધારે પડતી થેલીઓ ખરીદતા પાર્લર ઉપર રાત્રે જ દૂધ ખાલી થઈ પડ્યું હતું આ કારણે આજે સવારથી ચાની કીટલીઓ પણ ધમધમી નથી.
માલધારીઓએ કરેલી હડતાલના પગલે ભાવનગરમાં દૂધની અછત સર્જાઈ, ચાની કીટલીઓ પણ બંધ રહી
