રિલાયન્સ રિટેલની સાથે મળીને પ્રસિદ્ધ અને પારંપરિક મીઠાઈ બનાવતા વેપારીઓ હવે ક્ષેત્રીય બજારોમાંથી નિકળીને પોતાની ખાસ મીઠાઈઓ દ્વારા દેશભરના ગ્રાહકોનો સ્વાદ વધારી રહ્યા છે. સદાબહાર ડબ્બાબંધ રસગુલ્લા અને ગુલાબ જાંબુનો જમાનો તો હંમેશા રહ્યો છે પરંતુ તેની સાથે જ હવે મીઠાઈના વેપારીઓ મીઠાઈની સાથે ઘણા નવા પ્રયોગ કરી રહ્યા છે.
અજમેરના ચવન્નીલાલ મીઠાઈની સ્ટોરી પણ દેશના ફેમસ પરંતુ સીમિત બજારોમાં કામ કરતા હજારો મીઠાઈના વેપારીઓ જેવી જ હતી. દુકાનની બહાર સવારથી ખરીદનારની લાઈન લાગી જાય છે. પરંતુ એક દુકાનથી કેટલા ગ્રાહકો સંતોષી શકાય? આવા નાના વેપારીઓ સાથે મળીને રિલાયન્સ રિટેલ કામ કરશે.
ફેમસ મીઠાઈઓમાં કલેવાના ‘તલ બેસન લાડવા’, ઘસીટારામની ‘મુંબઈ હલવા’, પ્રભુજીની ‘દરબેશ લાડવા’ અને ‘મેથીના લાડવા’, દૂધ મિષ્ટન ભંડારના ‘માલપુઆ’ અને લાલ સ્વીટ્સનું ફેમસ મૈસૂર પાક અને ધારવાડ પેડા રિલાયન્સ રિટેલના સ્ટોર્સ પર ઉલબ્ધ છે. ચવન્નીલાલ હલવાઈની ફેમસ કચોરી અને ચોકલેટ બરફી જલ્દી જ રિલાયન્સ સ્ટોર પર જોવા મળશે. રિલાયન્સ રિટેલના ગોસરી રિટેલના સીઈઓ દામોદર મલ્લે કહ્યું- અમે ભારતમાં સૌથી મોટા મલ્ટી-બ્રાન્ડ હલવાઈ બનવા માંગીએ છીએ. અમે ઈચ્છીએ છીએ કે પારંપરિક મીઠાઈઓ કોઈ ખાસ વિસ્તારમાં ન રહીને દુનિયાની સામે આવે. તે દેશના ખૂણે ખૂણામાં પહોંચે. જેનાથી પશ્ચિમ બંગાળ અને ઉડીસાના રસગુલ્લા તમિલનાડુના ગ્રાહકોનું મોઠુ મીઠુ કરશે.
ટ્રેડિશનલ મીઠાઈઓનું વધશે વેચાણ
ટ્રેડિશનલ મીઠાઈઓનું વેચાણ વધે તેના માટે રિલાયન્સ રિટેલના સ્ટોર્સમાં મલ્ટિપલ બે અને ફ્રી સ્ટેડિંગ યુનિટ્સ બનાવી છે. આને એવી રીતે સમજી શકાય કે ચોકલેજ વેચવા માટે રિટેલ સ્ટોર્સમાં વેચાણ થાય છે. રિલાયન્સ રિટેલ ક્ષેત્રીય મિઠાઈ નિર્માતાઓને સિંગલ-સર્વ પેક વિકસિત કરવામાં પણ મદદ કરી રહ્યું છે. એટલે કે જો ગ્રાહક ઈચ્છે તો ઘાનાની ડાર્ક ચોકલેટની જગ્યા પર દેસી મેસૂર પાક અથવા લાડવાનું એક નાનું પેક ખરીદી શકે છે.
