શાહપુર મેટ્રો સ્ટેશન પાસે 3.5 કરોડ સોનાના દાગીના ભરેલી બેગ લૂંટી લૂંટારૂઓ ફરાર

અમદાવાદના શાહપુર મેટ્રો સ્ટેશન પાસે આગડિયા પેઢીના કર્મચારી પાસેથી 3.5 કરોડના દાગીનાની લૂંટ કરી લૂંટારૂઓ ફરાર થઇ ગયા છે. આંગડિયા પેઢીના કર્મચારી પાસે બેગમાં આશરે 7.5 કિલો સોનાના દાગીના હતા ,આ બેગને લઇને તેઓ શાહપુર મેટ્રો સ્ટેશનથી જઇ રહ્યા હતા ત્યારે આ લૂંટનો બનાવ બન્યો હતાે.લૂંટનો ભાગ બનનાર વ્યકિતનું નામ પરેશ શાહ છે. તેઓ સુપર મોલમાં એસ.એસ.તીર્થ ગોલ્ડ નામની ઓફિસમાં કામ કરે છે. આ મામલાની જાણ થતા પોલીસ કાફલા સાથે દોડી આવી હતી.
આ મોટી લૂંટની તપાસ સેકટર 1ના ડીસીપી નીરડ બડગુજડરે કરી રહ્યા છે. પ્રાથમિક તપાસ હેઠળ હાલમાં સીસીટીવી કેમેરાની તપાસ કરવામાં આવી છે. આ લૂંટ કેસમાં ક્રાઇમ બ્રાન્ચ પણ સામેલ થઇ છે. લૂંટારુઓને પકડી પાડવા માટે ચક્રો ગતિમાન કર્યા છે.