ભાવનગરના ગીતાંજલી કોમ્પ્લેક્સ સામે રોડ ઉપરથી એલ.સી.બી.એ ઇંગલિશ દારૂની નાની મોટી ૫૬ બોટલ સાથે બે શખ્સને ઝડપી લઈ નીલમબાગ પોલીસને હવાલે કર્યા હતા.
એલસીબી પોલીસ કાફલો પેટ્રોલિંગમાં હતો તે દરમિયાન બાતમીના આધારે ભાવનગરના ગીતાંજલી કોમ્પલેક્ષ સામે રોડ ઉપરથી ગૌરવ કમલેશ ભાઈ સુંધાણી રહે. યોગેશ્વરનગર, ભરતનગર અને ધીરજ પ્રકાશભાઈ રાજાણી રહે. રસાલા કેમ્પવાળાને ઈંગ્લીશ દારૂની નાની મોટી ૫૬ બોટલ કિં. રૂ.૧૨,૬૫૫ સાથે ઝડપી લીધા હતા.
એલ.સી.બી.એ ઈંગ્લીશ દારૂ,બે નંગ મોબાઈલ મળી કુલ રૂ.૨૭,૬૬૫ નો મુદામાલ કબજે કરી આગળની કાર્યવાહી અર્થે બન્ને ઇસમોને નિલમબાગ પોલીસને હવાલે કર્યા હતા.
