વધુ એક શ્રદ્ધા: ઈલેક્ટ્રિક કટર વડે પતિએ પત્નીની લાશના કર્યા 12 ટુકડા

શ્રદ્ધા મર્ડરની જેમ ઝારખંડના સાહિબગંજમાંથી પણ એક મામલો સામે આવ્યો છે. અહીં પતિએ પત્નીની હત્યા કરી લાશના અનેક ટુકડા કરી નાખ્યા. આ પછી તેને ફેંકીને પોતાનું કાળું કૃત્ય છુપાવવાનો પ્રયાસ કર્યો હતો. પરંતુ ગુનાખોરી કાયદાની નજરમાંથી છટકી શકતી નથી. પોલીસે મૃતદેહના અનેક ટુકડાઓ કબજે કર્યા છે અને આરોપીઓની પૂછપરછ કરી રહી છે.
મીડિયા રિપોર્ટ્સ અનુસાર, 22 વર્ષની રાબિકા પહાડિન ગોંડા પહાડની રહેવાસી હતી. તેણીએ બેલટોલાના રહેવાસી દિલદાર અંસારી સાથે પ્રેમ લગ્ન કર્યા હતા અને તેના ઘરે રહેતી હતી. લગ્નના થોડા દિવસો બાદ બંને વચ્ચે ઝઘડા થયા હતા. ઘરના તણાવથી પરેશાન પતિએ ખતરનાક પ્લાન બનાવ્યો. તેણે તેની પત્નીની હત્યા કરી અને પછી ઈલેક્ટ્રીક કટર વડે લાશના 12 ટુકડા કરી નાખ્યા. ત્યારબાદ તેણે તેને બોરિયા સાંથલીમાં નિર્માણાધીન આંગણવાડી કેન્દ્રની પાછળ ફેંકી દીધી.
જ્યારે કૂતરાઓ પગ અને છાતીનો ભાગ ખાઈ રહ્યા હતા, ત્યારે કોઈએ પોલીસને જાણ કરી. જે બાદ પોલીસે વિકૃત શરીરના 12 ટુકડાઓ કબજે કર્યા હતા. પોલીસે આ કેસમાં આરોપી પતિ દિલદારની ધરપકડ કરી છે. મીડિયા રિપોર્ટ્સ અનુસાર, રાબિકા દિલદારની બીજી પત્ની હતી.