ચીન સહિત અન્ય દેશોમાં કોરોનાના વધી રહેલા કેસો વચ્ચે કેન્દ્ર સરકાર એક્શનમાં આવી ગઈ છે. આને ધ્યાનમાં રાખીને, કેન્દ્રીય સ્વાસ્થ્ય મંત્રાલય મુસાફરીના 72 કલાક પહેલા કરવામાં આવેલા RT-PCR ટેસ્ટની માહિતી ભરવા સંબંધિત એર સુવિધા ફોર્મને ફરીથી ફરજિયાત બનાવવાની તૈયારી કરી રહ્યું છે. આ નિયમો ચીન અને અન્ય દેશો (જ્યાં કોરોનાના કેસ વધી રહ્યા છે)થી આવતા મુસાફરોને લાગુ પડશે. ફોર્મમાં કોરોના ટેસ્ટ રિપોર્ટની સાથે રસીકરણની સંપૂર્ણ માહિતી પણ ભરવાની રહેશે. દરમિયાન, આરોગ્ય મંત્રાલયે ભારતમાં આંતરરાષ્ટ્રીય આગમન માટે માર્ગદર્શિકા જારી કરી છે.24 ડિસેમ્બરથી, દરેક આંતરરાષ્ટ્રીય ફ્લાઇટ દ્વારા આવતા કેટલાક મુસાફરો માટે કોવિડનું રેન્ડમ પરીક્ષણ કરવામાં આવશે. સરકારના જણાવ્યા અનુસાર, સંબંધિત એરલાઇન્સ દ્વારા દરેક ફ્લાઇટમાં મુસાફરોની કોવિડ ટેસ્ટ માટે રેન્ડમલી પસંદગી કરવામાં આવશે. એવું કહેવામાં આવી રહ્યું છે કે ફ્લાઇટમાં કુલ મુસાફરોમાંથી 2% લોકો આગમન પર એરપોર્ટ પર કોવિડ ટેસ્ટમાંથી પસાર થવાની ખાતરી કરશે. એરલાઇન દ્વારા આવા મુસાફરોની ઓળખ કરવામાં આવશે. સેમ્પલ આપ્યા બાદ મુસાફરોને એરપોર્ટથી બહાર જવા દેવામાં આવશે. પોઝિટિવ આવતા સેમ્પલ જીનોમ સિક્વન્સિંગ માટે મોકલવામાં આવશે.
જો ટેસ્ટમાં કોઈ મુસાફર કોરોનાથી સંક્રમિત મળશે તો રિપોર્ટની એક કોપી વધુ કાર્યવાહી માટે તેમના સંબંધિત રાજ્ય કે કેન્દ્ર શાસિત પ્રદેશને આપવામાં આવશે. તે સિવાય પત્રમાં કહેવામાં આવ્યું કે મુસાફરોના કોરોના પોઝિટીવ થયા બાદ તેમના સેમ્પલને જીનોમ ટેસ્ટિંગ માટે મોકલવામાં આવશે.
