કોરોના સામે સરકારને 2 કરોડ કોવિશીલ્ડ ડોઝ નિ:શુલ્ક આપશે સિરમ

દેશમાં કોવિડના વધતા જતા સંકટ વચ્ચે હવે ફરી એક વખત બુલ્ટર ડોઝ માટેની પ્રક્રિયા શરુ થઇ છે તેમાં દેશને કોવિડ સામે સુરક્ષા આપવામાં સૌથી મહત્વની ભૂમિકા ભજવનાર પૂના સ્થિત સિરમ ઇન્સ્ટીટયુટ સરકારને બુસ્ટર ડોઝ માટે 2 કરોડ કોવિશીલ્ડ વેક્સિન ડોઝ નિ:શુલ્ક પૂરા પાડશે. સિરમ ઇન્સ્ટીટયુટ દ્વારા સરકારને આ ઓફર કરવામાં આવી છે.
સ્વાસ્થ્ય મંત્રાલયને એક પત્ર લખી સિરમ ઇન્સ્ટીટયુટના ડીરેક્ટર પ્રકાશકુમાર સિંહે જણાવ્યું હતું કે આ 2 કરોડ ડોઝ રાષ્ટ્રીય ટીકાકરણ કાર્યક્રમ માટે સરકારને પૂરા પાડવામાં આવશે. અગાઉ પણ સિરમ ઇન્સ્ટીટયુટ દ્વારા રાષ્ટ્રીય ટીકાકરણ કાર્યક્રમમાં રૂા. 170 કરોડથી વધુની કોવિડ વેક્સિન આપવામાંઆવી હતી જ્યારે આ 2 કરોડ ડોઝની કિંમત અંદાજે રૂા. 410 કરોડ થશે.
ભારતમાં કોવિડની સ્થિતિ હજુ સામાન્ય છે અને સંભવત: દેશ હેમખેમ પસાર થઇ જશે તેમ છતાં પણ સરકાર દ્વારા હવે બુસ્ટર ડોઝ માટે તૈયારી શરુ કરવામાં આવી છે અને તબક્કાવાર રાજ્યોને કોવિશીલ્ડ ઉપરાંત અન્ય વેક્સિન પણ પૂરી પાડવામાં આવશે જે વચ્ચે સિરમ ઇન્સ્ટીટયુટની આ પહેલ સરકાર માટે રાહત બની રહેશે.