ભાવનગરમાં છેલ્લા 17 વર્ષથી કાર્યરત મેડિસીન હાઉસ – ડ્રગ્સ બેન્ક જરૂરિયાતમંદ દર્દીઓ માટે ઉજળી આશા છે. દરરોજ સાંજે 5.30થી 8.30 દરમિયાન નિશુલ્ક દવાનું વિતરણ થઈ રહ્યું છે. ડ્રગ્સ બેન્ક હવે મેઘાણી સર્કલથી ઘોઘા સર્કલના રસ્તે, આર્યમાન કોમ્પલેક્ષ ખાતે નવા સરનામે કાર્યરત થઈ છે. સમગ્ર ગુજરાતમાં શહેર કક્ષાએ શરૂ થયેલ પ્રથમ એવી આ સંસ્થામાં ડોકટરની લખેલી પ્રિસ્કીપશનના આધારે હાજર હોય તે દવા વિનામૂલ્યે આપવામાં આવે છે. સુખી સંપન્ન લોકોના અનુદાન તેમજ વધેલી દવાઓનું નાગરિકો દ્વારા થતા અનુદાનથી આ સંસ્થા ધમધમી રહી છે. ગરીબ દર્દીઓને લાભ લેવા અનુરોધ કરાયો છે.
