ઓટીટી પ્લેટફોર્મ માટે પણ સેન્સર જેવા ગ્રેડ સર્ટી. આપવાની તૈયારી

સરકારે ઓટીટી પ્લેટફોર્મ માટે પણ સેન્સર જેવા ગ્રેડ સર્ટી. આપવાની તૈયારી કરી છે પણ શરાબ અને સિગારેટ ખાસ કરીને વિડીયો સ્ટ્રીમીંગ પ્લેટફોર્મ માટે શરાબ કે સિગારેટના દ્રશ્યો સમયે વૈધાનિક ચેતવણી આપે તે નિશ્ચિત કરવાનો પ્રયાસ કરશે.
હાલ ફિલ્મો અને ટીવી કાર્યક્રમો પોતે આ પ્રકારની વૈધાનિક ચેતવણી આપે જ છે!
ટોબેકો કંટ્રોલ ઈન ઈન્ડીયા રીપોર્ટમા આ અંગેની દરખાસ્ત કરવામાં આવી છે. ભારતમાં જે રીતે તંબાકુનું વ્યસન વધતુ જાય છે અને વધુને વધુ લોકો કેન્સરના દર્દીઓ બનતા જાય છે તે સંદર્ભમાં હવે તંબાકુ અને શરાબ બન્નેની સામે જાગૃતિ લાવવા માટે આ નિર્ણય કરવામાં આવ્યો છે. સરકાર સિગારેટ એન્ડ અધર ટોબેકો પ્રોડકટ એકટ 2023 મુજબ આ કાર્યવાહી કરશે. જો કે ઓટીટી સહિતના ઓનલાઈન વિડીયો સ્ટ્રીમીંગ પ્લેટફોર્મની કોઈ મર્યાદા જ નથી અને તેથી સરકાર કઈ હદે તેનો અમલ કરાવી શકશે તે પણ પ્રશ્ન છે.