કેંદ્રીય આરોગ્ય મંત્રી મનસુખ માંડવિયાએ બિલ ગેટ્સ સાથે કરી મુલાકાત

કેંદ્રીય આરોગ્ય મંત્રી મનસુખ માંડવિયાએ બિલ ગેટ્સ સાથે મુલાકાત કરી હતી. આ મુલાકાત દરમિયાન કોરોના સહિત આરોગ્યના વિવિધ વિષયો પર ચર્ચાઓ થઈ હતી. જેમાં કોવિડ મહામારી દરમિયાન ભારતે ઉમદા કામગીરી કરીએ બદલ બિલ ગેટ્સે ભારતની પ્રશંસા કરી હતી.
બિલ ગેટ્સ અને કેન્દ્રીય આરોગ્ય મંત્રી મનસુખ માંડવિયા વચ્ચે એક મુલાકાત થઈ હતી. આ મુલાકાતમાં કોરોના તેમજ આરોગ્યને લગતી ચર્ચા કરવામાં આવી હતી. આ ઉપરાંત કોરોનાના કપરા કાળમાં આકાર પામેલો વોર રૂમ જે હવે હેલ્થ ઈમરજન્સી ઓપરેશન સેન્ટર અને નેશનલ પબ્લિક હેલ્થ ઓબ્ઝર્વેટરી તરીકે ઓળખાય છે. તે વોર રૂમની આરોગ્ય મંત્રી મનસુખ માંડવિયાએ બિલ ગેટ્સની મુલાકાત કરાવી હતી. ઉલ્લેખનીય છે કે, આ વોર રૂમની મદદથી કોવિડ કેસ સફળ રીતે ટ્રેક થયા હતા અને ઝડપી રસીકરણ પણ આ વોર રૂમને કારણે થયુ હતુ. અન્ય ટેકનોલોજીના માધ્યમથી સ્વાસ્થ્ય સાથે જોડાયેલ કાર્યક્રમો અને અન્ય સ્વાસ્થ્ય અંગેની સામાજિક પહેલની સ્થિતિનું મોનીટરીંગ આજે અહીંથી કરવામાં આવે છે.