વુમન્સ પ્રીમિયર લીગની ત્રીજી મેચમાં યુપીએ ગુજરાતને ત્રણ વિકેટે હરાવ્યું હતું. મુંબઈના ડીવાય પાટિલ સ્ટેડિયમમાં પ્રથમ બેટિંગ કરતા ગુજરાતે 169 રન બનાવ્યા હતા. જવાબમાં યુપીએ સાત વિકેટ ગુમાવીને 175 રન બનાવ્યા અને મેચ જીતી લીધી. આ ટૂર્નામેન્ટમાં ગુજરાતનો આ સતત બીજો પરાજય છે.
યુપીએ ગુજરાતને ત્રણ વિકેટે હરાવ્યું છે. આ ટૂર્નામેન્ટમાં ગુજરાતનો આ સતત બીજો પરાજય છે. આ મેચમાં પ્રથમ બેટિંગ કરતા ગુજરાતે છ વિકેટે 169 રન બનાવ્યા હતા. જવાબમાં યુપીએ એક બોલ બાકી રહેતા સાત વિકેટે 175 રન બનાવીને ત્રણ વિકેટે મેચ જીતી લીધી હતી. યુપી માટે ગ્રેસ હેરિસે 26 બોલમાં 59 રનની શાનદાર ઈનિંગ રમીને ગુજરાતના જડબામાંથી મેચ છીનવી લીધી હતી. આ ટુર્નામેન્ટમાં પ્રથમ વખત કોઈ ટીમે લક્ષ્યનો પીછો કરીને જીત મેળવી છે.
મેચમાં શું થયું?
ટોસ જીતીને પ્રથમ બેટિંગ કરતા ગુજરાતે છ વિકેટે 169 રન બનાવ્યા હતા. હરલીન દેઓલે 46 અને ગાર્ડનરે 25 રન બનાવ્યા હતા. દીપ્તિ અને સોફીએ બે-બે વિકેટ લીધી હતી. જવાબમાં યુપીએ 20 રનમાં ત્રણ વિકેટ ગુમાવી દીધી હતી. આ પછી કિરણ નવગીરે અને દીપ્તિ શર્માએ અડધી સદીની ભાગીદારી સાથે ઈનિંગને સંભાળી હતી, પરંતુ કીમ ગાર્થે પાંચ વિકેટ લઈને ગુજરાતને જીતના ઉંબરે પહોંચાડ્યું હતું. અંતે ગ્રેસ હેરિસે તોફાની અડધી સદી ફટકારીને પોતાની ટીમને જીત અપાવી હતી.
આજે મુંબઇ અને બેગ્લોર વચ્ચે મેચ, જાણો બંન્ને ટીમની પ્લેઇંગ ઇલેવન?
6 માર્ચ, 2023ના રોજ, મુંબઈ અને બેંગ્લોરની ટીમો વુમન્સ પ્રીમિયર લીગમાં આમને-સામને થશે. એક રીતે મુંબઈ ઈન્ડિયન્સની કેપ્ટન હરમનપ્રીત કૌર હશે તો બીજી તરફ રોયલ ચેલેન્જર્સ બેંગ્લોરની કેપ્ટન સ્મૃતિ મંધાના હશે. આ બંને ટીમ ઈન્ડિયામાં કેપ્ટન અને વાઈસ-કેપ્ટન છે. 6 માર્ચે આ બંને કેપ્ટન એકબીજા સામે રમશે. ચાલો તમને મુંબઈ ઈન્ડિયન્સ અને RCBની મેચની વિગતો જણાવીએ.
આ મેચ 6 માર્ચ 2023, સોમવારે સાંજે 7:30 વાગ્યાથી રમાશે. આ મેચ મુંબઈના બ્રેબોર્ન સ્ટેડિયમમાં રમાશે. પ્રશંસકો Jio Cinema એપ પર Sports18 ટીવી ચેનલ પર આ મેચ જોઈ શકે છે.
