શિપ રિસાયક્લિંગ અને મેરીટાઇમ એજ્યુકેશનને આગળ વધારવા માટે લીલા વર્લ્ડવાઇડની પેટા કંપની લીલા શિપ રિસાયક્લિંગ પ્રા. લિ. આગળ આવી છે. આ ઉધોગ ગૃહે સર ભાવસિંહજી પોલીટેકનિક સંસ્થા સાથે સમજૂતી કરાર (MOU) પર હસ્તાક્ષર કર્યા છે.
આ કરાર હેઠળ, લીલા ગ્રૂપ અને સર ભાવસિંહજી પોલીટેકનિક ઇન્સ્ટિટ્યૂટ વિદ્યાર્થીઓ માટે ઇન્ટર્નશીપ અને નોકરીની તકો, તાલીમ અને વર્કશોપ માટે સુવિધાઓ અને સંસાધનોની ઍક્સેસ અને શિપ રિસાયક્લિંગ અને મેરીટાઇમ એજ્યુકેશનની પ્રગતિને પ્રોત્સાહન આપવા માટે સંયુક્ત પ્રોજેક્ટ્સ સહિત સંખ્યાબંધ પહેલ પર સહયોગ કરશે. લીલા ગ્રૂપ ઓફ શિપ રિસાયક્લિંગ યાર્ડ્સના સીઇઓ, વિશાલરાજ સોનીએ જણાવ્યું કે, “ સર ભાવસિંહજી પોલિટેકનિક ઇન્સ્ટિટ્યૂટ સાથે વ્યૂહાત્મક ભાગીદારી કરવામાં અમને ગર્વ છે. વિદ્યાર્થીઓને શિપ રિસાઇક્લિંગ ઉદ્યોગમાં અનુભવ મેળવવાની અને તેમના વ્યાવસાયિક વિકાસને આગળ વધારવાની તક પૂરી પાડવામાં આવશે. “આ સમજૂતી કરાર શિપ રિસાયક્લિંગ અને મેરીટાઇમ પ્રોફેશનલ્સની આગામી પેઢીમાં રોકાણ કરવા અને ઉદ્યોગના વિકાસને ટેકો આપવાની અમારી પ્રતિબદ્ધતા સાથે કરાયો છે.’
નિલેશ એમ. ભંગાલે (ટીપી ઓફિસર, સર ભાવસિંહજી પોલીટેકનિક ઇન્સ્ટિટ્યૂટ)એ જણાવ્યું હતું કે,” લીલા ગ્રુપ ઓફ શિપ રિસાયક્લિંગ યાર્ડ્સ સાથેની આ ભાગીદારી અમારા વિદ્યાર્થીઓ માટે વ્યવહારુ અનુભવ મેળવવા અને ઉદ્યોગના નિષ્ણાતો પાસેથી શીખવાની એક આકર્ષક તક છે, અમને વિશ્વાસ છે કે આ સહયોગ શિપ રિસાયક્લિંગ અને મેરીટાઇમ એજ્યુકેશનમાં વિશ્વ કક્ષાનું શિક્ષણ પ્રદાન કરવાના અમારા મિશનને આગળ વધારશે અને અમારા વિદ્યાર્થીઓને આ ક્ષેત્રમાં સફળ કારકિર્દી માટે તૈયાર કરશે.’
ઉલ્લેખનીય છે કે, લીલા વર્લ્ડ વાઈડ ગૃપ ઓફ કંપનીઝ ઉધોગ ક્ષેત્રે આગેકૂચ ઉપરાંત સામાજિક દાયિત્વ નિભાવવા માટે હંમેશા અગ્રેસર રહ્યું છે.