Ind Vs Aus: હાર્દિક કેપ્ટન, શ્રેયસ બહાર… ઓસ્ટ્રેલિયા સામેની વન્ડે શ્રેણી સરળ નહી રહે

ભારત અને ઓસ્ટ્રેલિયા વચ્ચેની ટેસ્ટ શ્રેણી સમાપ્ત થઈ ગઈ છે, જે ટીમ ઈન્ડિયાએ 2-1થી જીતી લીધી છે. હવે 17 માર્ચથી શરૂ થનારી ODI શ્રેણીનો વારો છે. આ વર્ષે યોજાનાર વર્લ્ડ કપ પહેલા આ સીરિઝ ઘણી મહત્વની માનવામાં આવી રહી છે. 3 મેચની આ શ્રેણીને લઈને ટીમ ઈન્ડિયા સામે ઘણા પડકારો છે.

ભારતને ઓસ્ટ્રેલિયા સામે 3 મેચની સીરીઝ રમવાની છે. પ્રથમ મેચ 17 માર્ચે મુંબઈમાં, બીજી મેચ 19 માર્ચે વિશાખાપટ્ટનમમાં અને ત્રીજી મેચ 22 માર્ચે ચેન્નાઈમાં રમાશે. આવો એક નજર કરીએ ટીમ ઈન્ડિયા આ મિશન માટે કેટલી તૈયાર છે.

કેપ્ટન રોહિત શર્મા પ્રથમ મેચમાં રમશે નહીં. તેણે પારિવારિક કારણોસર રજા લીધી છે. આવી સ્થિતિમાં હાર્દિક પંડ્યા પ્રથમ મેચમાં ટીમની કપ્તાની સંભાળશે. જો કે રોહિત શર્મા બીજી અને ત્રીજી વનડેમાં રમશે.
માત્ર ભારત જ નહીં પરંતુ ઓસ્ટ્રેલિયાના કેપ્ટનમાં પણ ફેરફાર કરવામાં આવ્યો છે. પેટ કમિન્સ તેની માતાના મૃત્યુ પછી ભારત પરત ફર્યા નથી, આ સ્થિતિમાં સ્ટીવ સ્મિથ મુલાકાતી ટીમનું સુકાન સંભાળશે.

શ્રેયસ ઐયર સિરીઝની શરૂઆત પહેલા જ ઈજાગ્રસ્ત થયો હતો, તે અમદાવાદ ટેસ્ટ પણ પૂરી કરી શક્યો ન હતો. તેના સ્થાને હજુ સુધી કોઈની બદલીની જાહેરાત કરવામાં આવી નથી.

ટીમ ઈન્ડિયા વનડેમાં નંબર-1 ટીમ છે, જ્યારે ઓસ્ટ્રેલિયા નંબર-2 પર છે. બંને વચ્ચે માત્ર 2 પોઈન્ટનો તફાવત છે, જો ઓસ્ટ્રેલિયા સીરીઝ જીતે છે તો રેન્કિંગમાં ફેરફાર થઈ શકે છે.
જો બંને ટીમો વચ્ચેની છેલ્લી ODI સિરીઝ પર નજર કરીએ તો તેમાં ઓસ્ટ્રેલિયાનો વિજય થયો હતો. આ શ્રેણી ઓસ્ટ્રેલિયામાં જ યોજાઈ હતી, જેમાં ભારતને 1-2થી હારનો સામનો કરવો પડ્યો હતો.
જો ભારત અને ઓસ્ટ્રેલિયા વચ્ચેની ODI મેચોના રેકોર્ડ પર નજર કરીએ તો, અત્યાર સુધીમાં બંને ટીમો વચ્ચે કુલ 143 મેચ રમાઈ છે, જેમાંથી 80 ઓસ્ટ્રેલિયા અને 53 ભારતે જીતી છે.
જો આપણે ભારતમાં યોજાયેલી ODI મેચો પર નજર કરીએ તો બંને ટીમો કુલ 64 વખત આમને-સામને આવી છે, અહીં ઓસ્ટ્રેલિયાએ 30 અને ભારતે 29 ODI મેચ જીતી છે.

ભારત vs ઓસ્ટ્રેલિયા વન-ડે શ્રેણી

પ્રથમ મેચ – 17 માર્ચ, શુક્રવાર, મુંબઈ (1.30 કલાકે)
બીજી મેચ – 19 માર્ચ, રવિવાર, વિશાખાપટ્ટનમ (1.30 કલાકે)
ત્રીજી મેચ – 22 માર્ચ, બુધવાર, ચેન્નાઈ (1.30 કલાકે)

ઓસ્ટ્રેલિયાની ટીમઃ સ્ટીવ સ્મિથ (સી), સીન એબોટ, એશ્ટન અગર, એલેક્સ કેરી, નાથન એલિસ, કેમેરોન ગ્રીન, ટ્રેવિસ હેડ, જોશ ઈંગ્લિસ, માર્નસ લાબુશેન, મિશેલ માર્શ, ગ્લેન મેક્સવેલ, મિશેલ સ્ટાર્ક, માર્કસ સ્ટોઈનિસ, ડેવિડ વોર્નર, એડમ ઝમ્પા

ભારતીય ટીમઃ રોહિત શર્મા (કેપ્ટન), શુભમન ગિલ, વિરાટ કોહલી, શ્રેયસ ઐયર, સૂર્યકુમાર યાદવ, લોકેશ રાહુલ, ઈશાન કિશન (વિકેટકીપર), હાર્દિક પંડ્યા (વાઈસ-કેપ્ટન), રવિન્દ્ર જાડેજા, કુલદીપ યાદવ, વોશિંગ્ટન સુંદર, યુઝવેન્દ્ર ચહલ, મોહમ્મદ શમી, મોહમ્મદ સિરાજ, ઉમરાન મલિક, શાર્દુલ ઠાકુર, અક્ષર પટેલ, જયદેવ ઉનડકટ

ભારત વિ ઓસ્ટ્રેલિયા ODI: હેડ-ટુ-હેડ

– ભારત (1980-2020) – 143 મેચ, 53 જીત, 80 હાર, 10 ડ્રો

– ઓસ્ટ્રેલિયા (1980-2020) – 143 મેચ, 80 જીત, 53 હાર, 10 ડ્રો

ભારત વિ ઓસ્ટ્રેલિયા ODI: હેડ-ટુ-હેડ (ભારતમાં)

– ભારત (1984-2020) – 64 મેચ, 29 જીતી, 30 હારી, 5 ડ્રો

– ઓસ્ટ્રેલિયા (1984-2020) – 64 મેચ, 30 જીત, 29 હાર, 5 ડ્રો

ભારત વિ ઓસ્ટ્રેલિયા ODI: સૌથી વધુ રન

સચિન તેંડુલકર: 71 મેચ, 3077 રન, 44.59 એવરેજ

રોહિત શર્મા: 40 મેચ, 2208 રન, 61.33 એવરેજ

રિકી પોન્ટિંગઃ 59 મેચ, 2164 રન, 40.07 એવરેજ

વિરાટ કોહલી: 43 મેચ, 2083 રન, 54.81 એવરેજ

એમએસ ધોની: 55 મેચ, 1660 રન, 44.86 એવરેજ