Khyali Saharan : પ્રખ્યાત કોમેડિયન ખયાલી પર બળાત્કારનો કેસ, યુવતીને ફિલ્મમાં કામ અપાવવાના બહાને હોટલમાં બોલાવી…
Khyali Saharan : ‘ધ લાફ્ટર ચેલેન્જ’થી ફેમસ થયેલા કોમેડિયન ખયાલી ( Khyali Saharan ) વિરુદ્ધ બળાત્કારનો કેસ નોંધવામાં આવ્યો છે. અહેવાલો અનુસાર, કોમેડિયન વિરુદ્ધ 25 વર્ષની મહિલા પર બળાત્કારનો કેસ નોંધવામાં આવ્યો છે. પોલીસનું કહેવું છે કે આ ઘટના ત્રણ દિવસ પહેલા એક હોટલમાં બની હતી. જ્યાં કોમેડિયન ખયાલી ( Khyali Saharan ) એ યુવતી અને તેના એક મિત્રને નોકરી અપાવવાના બહાને જયપુરની એક હોટલમાં બોલાવી હતી.
મળતી માહિતી મુજબ, કોમેડિયન ખયાલીએ મહિલા અને તેના મિત્રને હોટલમાં બોલાવ્યા બાદ બિયર પીવા માટે દબાણ કર્યું અને પછી નશાની હાલતમાં મહિલા પર બળાત્કાર ગુજાર્યો. . .
કેસની તપાસ ચાલી રહી છે
અહેવાલો અનુસાર, મહિલાની ફરિયાદ બાદ કોમેડિયન ખયાલી વિરુદ્ધ ભારતીય દંડ સંહિતાની કલમ 376 હેઠળ કેસ નોંધવામાં આવ્યો છે. તેમજ આ મામલે તપાસ કરવામાં આવી રહી છે. રિપોર્ટ્સ અનુસાર, પોલીસનું કહેવું છે કે ઘટનાના એક દિવસ બાદ આ મામલે FIR નોંધવામાં આવી હતી.
પીડિતા એક મહિના પહેલા સંપર્કમાં આવી હતી!
અહેવાલો અનુસાર, રાજસ્થાનના શ્રીગંગાનગરની રહેવાસી પીડિતા લગભગ એક મહિના પહેલા કોમેડિયન સાથે ગુટખા પેઢીમાં માર્કેટિંગ એક્ઝિક્યુટિવ તરીકે કામ કરતી અન્ય મહિલાના સંપર્કમાં આવી હતી. ત્યારબાદ બંને યુવતીઓ કોમેડિયન ખયાલીને મળવા જયપુરની એક હોટલ પહોંચી. જ્યાં કોમેડિયને બે રૂમ બુક કરાવ્યા હતા, જેમાં એક તેના માટે અને બીજો બંને મહિલાઓ માટે હતો.
અહેવાલો અનુસાર, કોમેડિયન ખયાલીને બંને મહિલાઓને બળજબરીથી બીયર પીવા માટે કહ્યું અને પોતે પણ બીયર પીધી, આ પછી, બેમાંથી એક મહિલા કોમેડિયનના રૂમમાંથી બહાર નીકળી ગઈ, કથિત રીતે ત્યારે જ પીડિતા સાથે ખોટું થયું. હાલ પોલીસ આ મામલે તપાસ કરી રહી છે.
