વડાપ્રધાન નરેન્દ્ર મોદી આજે એક દિવસીય પ્રવાસ પર તેમના સંસદીય ક્ષેત્ર વારાણસીછે. વડાપ્રધાન અહીં 1784 કરોડ રૂપિયાના પ્રોજેક્ટની ભેટ આપશે. વડાપ્રધાન સૌથી પહેલા વિશ્વ ટીબી દિવસ પર વારાણસીના રૂદ્રાક્ષ કન્વેન્શન સેન્ટર ખાતે ‘વન વર્લ્ડ ટીબી સબમિટ’ પર આધારિત ત્રણ દિવસીય કોન્ફરન્સનું ઉદ્ઘાટન કરશે. આ મુલાકાત દરમિયાન વડાપ્રધાન તેમના સંસદીય મતવિસ્તારને આશરે રૂ. 1,784 કરોડની યોજનાઓની ભેટ આપશે.
ટીબી દિવસના અવસર પર વડાપ્રધાન મોદી વારાણસીમાં આરોગ્ય અને પરિવાર કલ્યાણ મંત્રાલય અને સંયુક્ત રાષ્ટ્ર સમર્થિત સંગઠન ‘સ્ટોપ ટીબી પાર્ટનરશિપ’ દ્વારા આયોજિત ‘વન વર્લ્ડ ટીબી સમિટ’ને પણ સંબોધિત કરશે. તેઓ દેશભરમાં સંક્ષિપ્ત ટીબી પ્રિવેન્શન ટ્રીટમેન્ટ (ટીપીટી)ના સત્તાવાર શરૂઆતના રૂપમાં ટીબી-મુક્ત પંચાયતો સહિત અનેક યોજનાઓ અને ક્ષય રોગ માટે એક પરિવાર કેન્દ્રિત સંભાળ મોડેલનો આરંભ કરશે. આ તકે તેઓ ભારતનો વાર્ષિક ટીબી રિપોર્ટ 2023 પણ જાહેર કરશે.
વડા પ્રધાન નરેન્દ્ર મોદી બનારસ પણ જશે. બનારસમાં પીએમ મોદી 1780 કરોડ રૂપિયાના પ્રોજેક્ટ્સનો શિલાન્યાસ કરશે. આ દરમિયાન પીએમ મોદી દેશના પ્રથમ પબ્લિક ટ્રાન્સપોર્ટ રોપ-વેનો શિલાન્યાસ કરશે. પીએમ વારાણસીના કેન્ટ રેલવે સ્ટેશન પર તેનો શિલાન્યાસ કરશે, જેની તૈયારીઓ યુદ્ધના ધોરણે ચાલી રહી છે. રોપ-વેના નિર્માણ બાદ કાશી વિશ્વનાથ જતા ભક્તોનો માર્ગ સરળ બનશે. રેલવે સ્ટેશન પર પહોંચવા પર પ્રવાસીઓ થોડી મિનિટોમાં ગોદૌલિયા પહોંચી જશે અને પછી બાબા વિશ્વનાથના દર્શન માટે આગળ વધશે.
પ્રથમ તબક્કામાં રોપ-વે કેન્ટ રેલવે સ્ટેશનથી શરૂ થઈને ગોદૌલિયા ક્રોસ રોડ્સને જોડશે. આ દરમિયાન રોપ-વે કુલ પાંચ સ્ટેશન- કેન્ટ રેલવે સ્ટેશન, વિદ્યાપીઠ સ્ટેશન, રથયાત્રા, ગીરઘર અને ગોદૌલિયા સ્ટેશનથી થઈને 4.5 કિમીનું અંતર કાપશે. રોપ-વે ચાલુ થયા બાદ એકથી દોઢ કલાકનો સમય ઘટીને 16 મિનિટ થઈ જશે.
આજે પીએમ મોદી પૂર્વી ઉત્તર પ્રદેશના ખેડૂતોને એક નવા સંકલિત પૈક હાઉસની ભેટ આપશે. રાજ્યમાં આ પ્રકારની ત્રીજી સુવિધા હશે, જેનો ઉપયોગ શાકભાજી અને ફળોના સંગ્રહ અને પેકેજિંગ માટે અને પ્રદેશમાંથી કૃષિ નિકાસને પ્રોત્સાહન આપવા માટે કરવામાં આવશે. કારખિયાંવ ખાતે 4,461 ચોરસ ફૂટ વિસ્તારમાં 15.78 કરોડ રૂપિયામાં પૈક હાઉસ બનાવવામાં આવ્યું છે.
