નવી દિલ્હીઃ બાંગ્લાદેશ અને આયરલેન્ડ વચ્ચે શુક્રવારે રમાયેલી T20 શ્રેણીની ત્રીજી અને અંતિમ મેચમાં આયરલેન્ડે 7 વિકેટે જીત મેળવી હતી. બાંગ્લાદેશ ચોક્કસપણે 2-1થી શ્રેણી જીતવામાં સફળ રહ્યું, પરંતુ આયરલેન્ડે ઇતિહાસ રચ્યો હતો. બાંગ્લાદેશની ધરતી પર આયરલેન્ડની આ પ્રથમ જીત છે.
વિશ્વ ચેમ્પિયન ઈંગ્લેન્ડને તેના ઘરઆંગણે T20માં 3-0થી હરાવ્યા બાદ માનવામાં આવી રહ્યું હતું કે બાંગ્લાદેશની ટીમ આયરલેન્ડ સામે પણ ક્લીન સ્વીપ કરશે. યજમાન ટીમે શ્રેણીની પ્રથમ 2 મેચ સરળતાથી જીતી લીધી હતી. જોકે, શુક્રવારે ચિત્તાગોંગના ઝહૂર અહેમદ ચૌધરી સ્ટેડિયમમાં રમાયેલી છેલ્લી મેચમાં આયરલેન્ડે બાંગ્લાદેશને હરાવ્યું હતું. આયરલેન્ડના બોલરોના શાનદાર પ્રદર્શન બાદ કેપ્ટન પોલ સ્ટર્લિંગે બેટિંગમાં તરખાટ મચાવ્યો હતો. .
ટોસ જીતીને પ્રથમ બેટિંગ કરવા ઉતરેલી બાંગ્લાદેશની શરૂઆત ખૂબ જ ખરાબ રહી હતી.લિટન દાસ, નજમુલ હસન શાંતો કેપ્ટન શાકિબ અલ હસન અને 5 બેટ્સમેન માત્ર 41 રન ઉમેર્યા બાદ પેવેલિયન પરત ફર્યા હતા. માત્ર શમીમ હુસૈન આયરલેન્ડના બોલરોનો સામનો કરી શક્યો હતો. બાંગ્લાદેશની આખી ટીમ 19.2 ઓવરમાં 124 રનમાં પેવેલિયન પરત ફરી હતી. માર્ક એડરે 3 અને મેથ્યુએ 2 વિકેટ લીધી હતી.
લક્ષ્યનો પીછો કરવા ઉતરેલી આયરલેન્ડને કેપ્ટન પોલ સ્ટર્લિંગે મજબૂત શરૂઆત અપાવી હતી. સ્ટર્લિંગે 41 બોલમાં 77 રન બનાવ્યા હતા. જેમાં 10 ચોગ્ગા અને 4 છગ્ગાનો સમાવેશ થાય છે એટલે કે સ્ટર્લિંગે 14 બોલમાં 64 રન ફટકાર્યા હતા. કેપ્ટનની શાનદાર ઇનિંગની મદદથી આયરલેન્ડે 14 ઓવરમાં 3 વિકેટ ગુમાવીને આસાનીથી લક્ષ્ય હાંસલ કરી લીધું હતું. આયરલેન્ડે બાંગ્લાદેશને બીજી વખત T20માં હરાવ્યું છે. 14 વર્ષ પહેલા ટ્રેન્ટ બ્રિજ ખાતે રમાયેલી મેચમાં આયરલેન્ડે બાંગ્લાદેશને 6 વિકેટે હરાવ્યું હતું.
આજે પંજાબ કિંગ્સ સામે ટકરાશે કોલકાતા નાઈટ રાઈડર્સ, જાણો શું કહી રહ્યા છે આંકડાઓ
આઈપીએલ 2023 ની બીજી મેચ પંજાબ કિંગ્સ અને કોલકાતા નાઈટ રાઈડર્સ વચ્ચે આજે બપોરે 3:30 વાગ્યાથી મોહાલીના પંજાબ ક્રિકેટ એસોસિએશન આઈએસ બિન્દ્રા સ્ટેડિયમમાં રમાશે. આ મેચમાં બંને ટીમો પોતાના નવા કેપ્ટન સાથે મેદાનમાં ઉતરશે. એક તરફ શિખર ધવન પંજાબ કિંગ્સની કેપ્ટનશીપ સંભાળશે, તો બીજી તરફ શ્રેયસ અય્યરની ગેરહાજરીમાં નીતિશ રાણા KKRની કેપ્ટનશીપ સંભાળતો જોવા મળશે. આઈપીએલમાં અત્યાર સુધી બંને ટીમો કુલ 30 વખત સામસામે આવી ચુકી છે.
