ચેટજીપીટીની લોકપ્રિયતાએ દરેકનું ધ્યાન ખેંચ્યું છે. ચેટજીપીટી અંગે, યુ.એસ.માં બિડેન વહીવટીતંત્રે મંગળવારે કહ્યું કે, તે સંભવિત જવાબદારી અને આર્ટિફિશિયલ ઇન્ટેલિજન્સ સિસ્ટમ માટે તેના પગલાં અંગે લોકોના અભિપ્રાય જાણવા માંગે છે યુ.એસ.માં રાષ્ટ્રીય સુરક્ષા અને શિક્ષણ પર ChatGPTને લઈને સવાલો ઉભા થઈ રહ્યા છે. 100 મિલિયન સક્રિય વપરાશકર્તાઓ સાથે, ChatGPT ઝડપથી વિકસતી ઉપભોક્તા એપ્લિકેશન બની ગઈ છે, જેણે યુએસના ધારાશાસ્ત્રીઓનું ધ્યાન પણ ખેંચ્યું છે.
નેશનલ ટેલિકોમ્યુનિકેશન્સ એન્ડ ઇન્ફર્મેશન એડમિનિસ્ટ્રેશન, એજન્સી જે વ્હાઇટ હાઉસને ટેલિકમ્યુનિકેશન્સ અને ઇન્ફર્મેશન પોલિસી પર સલાહ આપે છે, તે AIની આસપાસ જવાબદારી ઇચ્છે છે. એજન્સી એ જાણવા માંગે છે કે શું એઆઈ સિસ્ટમ્સ કાયદેસર, અસરકારક, નૈતિક, સુરક્ષિત અને વિશ્વસનીય છે તેની ખાતરી કરવા માટે પગલાં છે કે કેમ.
રાષ્ટ્રપતિ બિડેને ગયા અઠવાડિયે વ્હાઇટ હાઉસ ખાતે વૈજ્ઞાનિકોની સલાહકાર પરિષદ સાથે આ વિષય પર ચર્ચા કરી હતી. પ્રમુખ જો બિડેને ગયા અઠવાડિયે કહ્યું હતું કે એઆઈ ખતરનાક છે કે કેમ તે જોવાનું બાકી છે. તેમણે કહ્યું હતું કે ટેક કંપનીઓની જવાબદારી છે કે AI ટૂલને સાર્વજનિક કરતા પહેલા તેઓ તેના વિશે સારી રીતે સંશોધન કરે
NTIA રિપોર્ટ તૈયાર કરવાની યોજના ધરાવે છે. ટેક એથિક્સ ગ્રૂપ, સેન્ટર ફોર આર્ટિફિશિયલ ઇન્ટેલિજન્સ એન્ડ ડિજિટલ પોલિસીએ યુએસ ફેડરલ ટ્રેડ કમિશનને GPT-4 ની નવી વ્યાપારી રીલિઝ કરવા માટે OpenAI ને અવરોધિત કરવા જણાવ્યું છે. તેણે કહ્યું છે કે AI ગોપનીયતા અને સુરક્ષાની દ્રષ્ટિએ ખતરનાક છે.
