ભાલા ફેંકમાં ઇતિહાસ સર્જનાર નીરજ ચોપડા ફરી એકવાર વૈશ્વિક મંચ પર ભારતનો ત્રિરંગો લહેરાવવામાં સફળ થયો છે. નીરજ ચોપડાએ ડાયમંડ લીગ 2023માં પ્રથમ વખત ચેમ્પિયન તરીકે ભાગ લીધો હતો. નીરજની નજર 90 મીટરના રેકોર્ડ પર હતી, પરંતુ તે તોડી શક્યો નહીં. જોકે તેમણે 88.67 મીટરના અંતર સાથે પ્રથમ સ્થાન મેળવ્યું હતું.
કેન્દ્રીય મંત્રી અનુરાગ ઠાકુરે નીરજ ચોપડાને અભિનંદન પાઠવ્યા હતા. ચોપડાના શાનદાર પ્રદર્શન પર કેન્દ્રીય મંત્રી અનુરાગ ઠાકુરે કહ્યું, નીરજ ચોપડાએ ફરી એકવાર ભારતને ગૌરવ અપાવ્યું છે. તેમણે દોહામાં ગોલ્ડ મેડલ જીતનાર નીરજ ચોપડાને ભારત માટે ગોલ્ડ મેડલ જીતવા બદલ અભિનંદન પાઠવ્યા હતા. અનુરાગ ઠાકુરે કહ્યું, નીરજ ચોપડાએ દોહામાં 88.67 મીટરના અંતરે ભાલો ફેંક્યો હતો. તેમની આ શાનદાર સફળતાએ ભારતનો ધ્વજ ફરકાવવામાં મદદ કરી છે. તેમણે નીરજને ચેમ્પિયન ગણાવ્યો અને ગોલ્ડ મેડલ જીતવા બદલ અભિનંદન આપ્યા હતા.
નીરજ ચોપડાએ ફરી એકવાર વૈશ્વિક મંચ પર લહેરાવ્યો ત્રિરંગો
ડાયમંડ લીગમાં ડબલ ગોલ્ડ મેડલ જીતનાર એકમાત્ર ભારતીય: પ્રથમ પ્રયાસમાં જ 88.67 મીટર દૂર ફેંક્યો ભાલો
