Poco F5 5G Price in India: પોકોએ બે નવા સ્માર્ટફોન લોન્ચ કર્યા છે. કંપનીએ Poco F5 5G અને Poco F5 Pro 5G લોન્ચ કર્યા છે. જો કે, તેનું પ્રો વેરિઅન્ટ માત્ર સિલેક્ટેડ બજારોમાં જ લોન્ચ કરવામાં આવ્યા છે. તમને બ્રાન્ડના ફ્લેગશિપ સ્માર્ટફોનમાં ટોપ-એન્ડ ક્વાલકોમ પ્રોસેસર મળે છે. સ્માર્ટફોનમાં ડોલબી વિઝન સપોર્ટ સાથે AMOLED સ્ક્રીન ઉપલબ્ધ હશે.
કંપનીએ ભારતમાં બજારમાં Poco F5 5G લોન્ચ કર્યો છે. આ સ્માર્ટફોન Snapdragon 7+ Gen 2 પ્રોસેસર સાથે આવે છે. તેમાં 5000mAhની બેટરી છે. આવો જાણીએ તેની કિંમત અને અન્ય ફીચર્સ.
Poco F5 5G કિંમત અને સેલ
બ્રાન્ડે આ હેન્ડસેટને બે કન્ફિગરેશનમાં લોન્ચ કર્યો છે. Poco F5 5Gનું 8GB RAM + 256GB સ્ટોરેજ વેરિઅન્ટ 29,999 રૂપિયામાં આવે છે. તે જ સમયે, સ્માર્ટફોનનો 12GB RAM + 256GB સ્ટોરેજ વેરિઅન્ટ 33,999 રૂપિયામાં લોન્ચ કરવામાં આવ્યો છે. તો સાથે કંપનીએ શરૂઆતની કિંમતની ઓફર પણ જાહેર કરી છે.
આ ઓફર હેઠળ, તમે ફોનનો 8GB રેમ વેરિઅન્ટ 26,999 રૂપિયામાં ખરીદી શકો છો. તે જ સમયે, તમે તેના 12GB રેમ વેરિઅન્ટને 30,999 રૂપિયામાં ખરીદી શકશો. આ ફોન 16 મેના રોજ સેલ પર આવશે, જેને તમે ફ્લિપકાર્ટ પરથી ખરીદી શકો છો.
સ્પેશિફિકેશન શું છે?
ડ્યુઅલ સિમ સપોર્ટ સાથેનો Poco F5 5G સ્માર્ટફોન Android 13 પર આધારિત MIUI 14 પર કામ કરે છે. તેમાં 6.67-ઇંચની ફુલ-એચડી + AMOLED ડિસ્પ્લે છે, જે 120Hz રિફ્રેશ રેટ સપોર્ટ સાથે આવે છે. સ્ક્રીન ડોલ્બી વિઝન અને HDR10+ સપોર્ટ સાથે આવે છે. તેની સુરક્ષા માટે કોર્નિંગ ગોરિલ્લા ગ્લાસ 5 આપવામાં આવ્યો છે.
Pocoનો નવો ફોન Snapdragon 7+ Gen 2 પ્રોસેસર પર કામ કરે છે. તેમાં 12GB રેમ અને 256GB સ્ટોરેજ મળે છે. હેન્ડસેટમાં કૂલિંગ સિસ્ટમ પણ આપવામાં આવી છે. ડિવાઇસ ટ્રિપલ રીઅર કેમેરા સેટઅપ સાથે આવે છે. તેનો મેઇન લેન્સ 64MPનો છે. આ સિવાય 8MP અલ્ટ્રા વાઇડ એંગલ લેન્સ અને 2MP મેક્રો લેન્સ ઉપલબ્ધ છે.
ફ્રન્ટમાં કંપનીએ 16MPનો સેલ્ફી કેમેરો આપ્યો છે. ડિવાઇસ IP-53 રેટિંગ સાથે આવે છે. Poco F5 5G માં તમને સાઇડ માઉન્ટેડ ફિંગરપ્રિન્ટ સેન્સર મળે છે. સ્માર્ટફોનને પાવર આપવા માટે, 5000mAh બેટરી આપવામાં આવી છે, જે 67W ટર્બો ચાર્જિંગ સપોર્ટ સાથે આવે છે.
