G-20ની બેઠકને લઈ દીવમાં તડામાર તૈયારીઓ હાથ ધરવામાં આવી છે. દીવમાં આગામી તા. 17 મેંથી 29 મેં સુધી G-20ની બેઠકો અને ફરવા લાયક સ્થળોની 20 દેશના પ્રતિનિધિ દીવની મુલાકાતે આવી રહ્યા છે. જેને લઈ અહીં તડામાર તૈયારીઓ કરવામાં આવી રહી છે.દીવના મુખ્ય રસ્તાઓને મઢાવવાની કામગીરી યુદ્ધના ધોરણે હાથ ધરવામાં આવી છે. તો બીજી તરફ દીવના ફરવા લાયક સ્થળો પર પણ G-20માં આવી રહેલા પ્રતિનિધિઓ જવાના હોવાના કારણે તૈયારીઓ હાથ ધરવામાં આવી છે.
દીવમાં તા. 17મેં બાદ તા. 18 અને 19 મેં સુધી G-20ના પ્રતિનિધિઓ રોકાણ કરશે. દીવના શૈક્ષણિક હબ ખાતે મિટિંગ બાદ આઈએનએસ ખુકરી દીવ કિલ્લાની મુલાકાત લેશે. જેને લઈ દીવ પ્રસાસન દ્વારા તૈયારીઓને આખરી ઓપ આપવામાં આવી રહ્યો છે. G-20ના અધિકારીઓ તા. 19ના સોમનાથ મંદિર જશે અને દર્શન કરી પરત દીવ આવશે. દીવના શૈક્ષણિક હબ ખાતે બેઠક યોજાવાની છે. જ્યાં હાલ દરિયાઈ રેતીમાંથી ઇકો ફ્રેન્ડલી તમામ દેશોની વિખ્યાત આકૃતિઓ કન્ડારવામાં આવી રહી છે.
