સિક્યોરિટી માટે પસંદ કરાતી કાર નિર્માતા ફોક્સવેગન બજેટ સેગમેન્ટમાં ઇલેક્ટ્રિક કાર પર કામ કરી રહી છે જેની કિંમત લગભગ $27,000 હશે. મતલબ કે ભારતમાં EVની કિંમત લગભગ ₹22 લાખ હશે. તે તેના સેગમેન્ટમાં સૌથી સસ્તી અને રેન્જ આપતી કાર બની શકે છે. હા, કારણ કે કંપની આ ઈવીમાં પોતાની ઈન-હાઉસ બેટરી ઈન્સ્ટોલ કરી શકે છે. બ્રિટિશ ઓટોમોટિવ પબ્લિકેશન ઓટોકાર યુકેના રિપોર્ટમાં આ વાતની પુષ્ટિ કરવામાં આવી છે. એવું માનવામાં આવે છે કે જર્મન કાર ઉત્પાદક ફોક્સવેગન આ EVને ખૂબ જ ટૂંક સમયમાં બજારમાં લોન્ચ કરશે. ચાલો કંપનીના આયોજન પર એક નજર કરીએ.
ઈલેક્ટ્રિક કાર પોલો જેવી હશે
એક વાતચીત દરમિયાન, ફોક્સવેગન ગ્રૂપના ચીફ ફાઇનાન્સિયલ ઓફિસર આર્નો એન્ટલિટ્ઝે કહ્યું હતું કે કંપની એક સસ્તી ઇલેક્ટ્રિક કાર લોન્ચ કરવાની તૈયારી કરી રહી છે. તેમની આ વાત એવા સમયે આવી છે જ્યારે ફોક્સવેગને આઇડી ઇલેક્ટ્રિકનું અનાવરણ કર્યું છે. આ EV 2025 માં પ્રોડક્શન મોડલ તરીકે વેચાણ પર જઈ શકે છે. તે પોલો જેવી ઈલેક્ટ્રિક કાર તરીકે દેખાવાની અપેક્ષા છે. યુરોપમાં EVની કિંમત આશરે $27,000 થવાની ધારણા છે.
કંપની નાની અને બજેટ ઇવી પર કરી રહી છે કામ
ઇન્ટરેસ્ટિંગ વાત એ છે કે, ફોક્સવેગન એક નાની અને બજેટ EV પર પણ કામ કરી રહી છે, જે તમામ પ્રિમિયમ કારના ફિચર્સથી લેસની નજીક હોય, જે ID.1 નામ સાથે આવશે. તેની કિંમત $22,000 આસપાસ રહેવાની ધારણા છે.
ફોક્સવેગનનું શું છે આયોજન?
આગામી બજેટ ઇલેક્ટ્રિક કાર ઉપરાંત, ફોક્સવેગન સ્કોડા અને કુપરા બ્રાન્ડ્સ હેઠળ સમાન ઇલેક્ટ્રિક કાર બનાવવા માટે તેના ઓટોમોટિવ બ્રાન્ડ્સના પોર્ટફોલિયોનો સંપૂર્ણ ઉપયોગ કરવાની પણ યોજના બનાવી રહી છે. આ અંગે વાત કરતા એન્ટલિટ્ઝે કહ્યું કે અમે સ્કોડા અને કુપરા સાથે મળીને ચાર વ્હીકલનું પ્રોડક્શન કરી રહ્યા છીએ. સસ્તી ઇલેક્ટ્રિક કાર બનાવવા ઉપરાંત, ફોક્સવેગન ગ્રુપ તેના પોતાના બેટરી પેક પર કામ કરી રહ્યું છે.
