Renault India Car Discount Offer : જો તમે નવી કાર ખરીદવાનું વિચારી રહ્યા છો, તો તમારા માટે મહત્વના સમાચાર છે. કાર મેન્યુફેક્ચરિંગ દિગ્ગજ રેનો ઈન્ડિયાએ તેના કસ્ટમર્સ માટે ડિસ્કાઉન્ટ ઓફરની જાહેરાત કરી છે. કસ્ટમર્સ કંપનીની પસંદગીની કાર પર મે મહિનામાં 62,000 રૂપિયા સુધીનું ડિસ્કાઉન્ટ મેળવી શકે છે. જે કાર પર ડિસ્કાઉન્ટ મળી રહ્યું છે તેમાં Renault Triber, Renault Kiger અને Renault Kwidનો સમાવેશ થાય છે. નોંધ કરો કે આ ઑફર્સ સમગ્ર દેશમાં મોડલ અને ડીલરશિપ સ્ટોરના આધારે બદલાઈ શકે છે.
Renault Triber
કસ્ટમર્સ આ સાત સીટર MUV પર 62,000 રૂપિયા સુધીનું ડિસ્કાઉન્ટ મેળવી શકે છે. આ ઓફરમાં રૂપિયા 25000 રોકડ ડિસ્કાઉન્ટ, રૂપિયા 25000 એક્સચેન્જ બોનસ અને રૂપિયા 12000 કોર્પોરેટ ડિસ્કાઉન્ટનો સમાવેશ થાય છે. આ ઉપરાંત, ખરીદદારો Renault Triberના 2022 મોડલ પર રૂપિયા 10,000ના વધારાના લાભો મેળવી શકે છે. તે જ સમયે, ટ્રાઇબરનું 2023 મોડલ 15000ના ડિસ્કાઉન્ટ પર ખરીદી શકાય છે.
Renault Triberનું OBD2- સુસંગત મોડલ રૂપિયા 42,000ના લાભો સાથે ઉપલબ્ધ છે. તેમાં સ્ક્રેપેજ સ્કીમ હેઠળ રૂપિયા 12,000નું કોર્પોરેટ ડિસ્કાઉન્ટ, રૂપિયા 25,000નું એક્સચેન્જ બોનસ અને વધારાના રૂપિયા 10,000ની છૂટનો સમાવેશ થાય છે.
Renault Kiger
મે મહિનામાં રેનો કિગરના 2022 અને 2023 મોડલનું વેચાણ રૂપિયા 62,000 સુધીના ડિસ્કાઉન્ટ સાથે થઈ રહ્યું છે. આમાં 25,000 રૂપિયાનું રોકડ ડિસ્કાઉન્ટ, 25,000 રૂપિયાની એક્સચેન્જ ઑફર અને 12,000 રૂપિયાનું કૉર્પોરેટ ડિસ્કાઉન્ટ શામેલ છે.
જ્યારે Kigerનું OBD-2 સુસંગત મોડલ 52,000 રૂપિયાના ડિસ્કાઉન્ટ સાથે ઉપલબ્ધ છે. જેમાં 25,000 રૂપિયાનું રોકડ ડિસ્કાઉન્ટ, 20,000 રૂપિયાની એક્સચેન્જ ઑફર અને 12,000 રૂપિયાનું કૉર્પોરેટ ડિસ્કાઉન્ટ શામેલ છે. ઉત્પાદકની સ્ક્રેપેજ સ્કીમ હેઠળ ખરીદદારો રૂપિયા 10,000નું વધારાનું ડિસ્કાઉન્ટ મેળવી શકે છે.
Renault Kwid
રેનો ક્વિડના ખરીદદારો 2022 મોડલ પર રૂપિયા 57,000 સુધીના લાભો મેળવી શકે છે. જેમાં રૂપિયા 25,000નું રોકડ ડિસ્કાઉન્ટ, રૂપિયા 20,000નું એક્સચેન્જ બોનસ અને રૂપિયા 12,000નું કોર્પોરેટ ડિસ્કાઉન્ટ સામેલ છે. Kwid પર 10,000 રૂપિયાના વધારાના લાભો પણ ઉપલબ્ધ છે.
