ગુજરાતમાં આગામી 24 કલાકમાં લોપ્રેશર બનશે ડિપ્રેશન

જરાતમાં ફરી એકવાર હવામાન બગડવા જઈ રહ્યું છે. હવામાન વિભાગે રાજ્યના ઘણા જિલ્લાઓમાં વાવાઝોડાને લઈને એલર્ટ જાહેર કર્યું છે અને લોકોને સાવચેત રહેવા સૂચના આપી છે.સમાચાર મુજબ રાજ્યમાં 6 થી 9 જૂન દરમિયાન ચક્રવાતી તોફાન આવવાની સંભાવના છે જેના કારણે અનેક જિલ્લાઓમાં ભારે વરસાદ પડી શકે છે. તે જ સમયે, રાજ્યમાં 40 કિમી પ્રતિ કલાકની ઝડપે ભારે પવન પણ ફૂંકાઈ શકે છે. કેટલીક જગ્યાએ વીજળી પડવાની શક્યતા છે.
બિપોરજોય ચક્રવાત ગુજરાતને ખતરો છે. આ વાવાઝોડું ગુજરાત ઉપરથી પસાર થઈને પાકિસ્તાન તરફ ફેલાશે. બિપોરજોય વાવાઝોડું પાકિસ્તાન બાજુ ફંટાશે. ચક્રવાત ગુજરાતના દરિયાકાંઠાને બાયપાસ કરીને પાકિસ્તાન તરફ આગળ વધે તેવી શક્યતા છે. 10 જુને આ વાવાઝોડું ગુજરાત પાસેથી પસાર થશે અને 12 જુને તે પાકિસ્તાનમાં ટકરાશે. પરંતુ ચક્રવાતની હાજરીને કારણે તેની ગુજરાત પર મોટી અસર જોવા મળી શકે છે.આ સાથે બનાસકાંઠા, સાબરકાંઠા, અરવલ્લીમાં પણ વરસાદની આગાહી છે.
આ સાથે પાટણ, મહેસાણા, મોડાસા સહિત અન્ય વિસ્તારોમાં વરસાદ પડી શકે છે. હવામાન વિભાગના જણાવ્યા અનુસાર, 7 જૂને જ્યારે અરબી સમુદ્રમાં નીચા દબાણની સિસ્ટમ વિકસિત થશે ત્યારે તે ચક્રવાતી તોફાનમાં ફેરવાઈ જશે. તેની શરૂઆતની દિશા મુંબઈ અને રત્નાગીરી હોઈ શકે છે. હાલની સ્થિતિને જોતા આ તોફાન 10 જૂનની આસપાસ ગુજરાતના દરિયાકાંઠાની નજીક આવી શકે છે. જે 12 થી 14 જૂન દરમિયાન પોરબંદર અને નલિયાના દરિયાકાંઠે ત્રાટકી શકે છે. હવામાન વિભાગે દક્ષિણ સૌરાષ્ટ્ર અને દક્ષિણ ગુજરાતના અનેક જિલ્લાઓમાં 7 થી 11 જૂન દરમિયાન ભારે વરસાદની સંભાવના વ્યક્ત કરી છે. હવામાન વિભાગે માછીમારોને પાંચ દિવસ સુધી ગુજરાતના ઉત્તર કિનારે આવેલા દરિયામાં ન જવાની સલાહ આપી છે.