ભારતના વડાપ્રધાન મોદી 19 મી જુનથી અમેરીકાના પ્રવાસે છે.ત્યારે તેમનું ઐતિહાસીક સ્વાગત કરવા અમેરીકામાં તૈયારી ચાલી રહી છે. ત્યાંની સરકાર પીએમ મોદીનાં પ્રવાસને લઈને સતત જાણકારીઓ શેર કરી રહી છે.
અમેરીકી રાષ્ટ્રપતિ બાઈડેનનો પરિવાર મોદી સાથે બે વાર ડીનર કરશે. 22 મી જુને પીએમ મોદીનાં સન્માનમાં સ્ટેટ ડીનરનું આયોજન કરવામાં આવશે.જયારે 21 મી જુને પીએમ મોદી બાઈડન પરિવારની સાથે અંગત આમંત્રણ પર ડીનર કાર્યક્રમમાં સામેલ થશે.
ઉલ્લેખનીય છે કે, અમેરીકાના રાષ્ટ્રપતિ જો બાઈડન અને જીલ બાઈડનના આમંત્રણ પર મોદી અમેરીકા જઈ રહ્યા છે. અમેરીકામાં મોદીનું ભવ્ય અને ઐતિહાસીક સ્વાગત કરાશે. પીએમ મોદી 21 જુને વોશીંગ્ટન પહોંચશે. જયાં સાંજે બાઈડન અને તેના પરિવારનાં આમંત્રણ પર તે ખાનગી કાર્યક્રમમાં સામેલ થશે જેની યજમાની રાષ્ટ્રપતિ બાઈડન અને તેમના પત્નિ જીલ બાઈડન કરશે. જોકે હજુ સુધી ડીનરનુ સ્થળ નકકી નથી થયું. ઉલ્લેખનીય છે કે મોદી ઈન્ટરનેશનલ યોગ ડે પર સંયુકત રાષ્ટ્ર મુખ્યાલયમાં યોજાનાર કાર્યક્રમમાં ભાગ લેશે.
22 જુને મોદીનાં સન્માનમાં રાષ્ટ્રપતિ ભવનનાં સાઉથ લોનમાં ભવ્ય ડીનર કાર્યક્રમ યોજાશે.આ સ્ટેટ ડીનરમાં અમેરીકા અને ભારતનાં અનેક નામી-મહત્વના લોકો સામેલ થશે.આ ઉપરાંત 23 મીએ અમેરીકાની ઉપ રાષ્ટ્રપતિ કમલા હેરીસ અને વિદેશ મંત્રી એન્ટની બ્લીંકન સાથે અમેરીકી સરકાર દ્વારા આયોજીત લંચ કાર્યક્રમમાં પણ પીએમ મોદી ભાગ લેશે. એક અધિકારીનાં જણાવ્યા મુજબ પીએમ મોદીના આ અમેરીકા પ્રવાસ દરમ્યાન બન્ને દેશો વચ્ચે ટેકનીક શિક્ષણ, ટ્રેનીંગ વગેરે મુદા પર વાત થશે.
મોદીની અમેરીકા યાત્રાને લઈને અમેરીકામાં રહેતા ભારતીય મુળના લોકોમાં ઘણો ઉત્સાહ છે.સેંકડોની સંખ્યામાં ભારતીય મુળના લોકો બસો ભરીને વીભીન્ન શહેરમાંથી વોશીંગ્ટન પહોંચવા લાગ્યા છે. અહી બધી હોટેલો ફુલ થઈ ગઈ છે. વોશીંગ્ટનનાં લફાયેતે સ્કવેર પાર્કમાં પીએમ મોદી ભારતીય મૂળના લોકોને મળશે. આ દરમ્યાન અનેક સાંસ્કૃતિક કાર્યક્રમો યોજાશે.23 જુને મોદી રોનાલ્ડ રેગન બીલ્ડીંગમાં ભારતીય મુળના લોકો સાથે ડીનર કરશે.
