ભારતીય ક્રિકેટ ટીમનો ખેલાડી શુભમન ગિલ વર્લ્ડ ટેસ્ટ ચેમ્પિયનશિપ ફાઈનલ બાદ બ્રેક પર છે. તેઓ રજાઓ ગાળવા પેરિસ પહોંચ્યા છે. હાલમાં જ શુભમનની એક રસપ્રદ તસવીર જોવા મળી હતી. તે હાથમાં ફૂટબોલ ક્લબ પેરિસ સેન્ટ-જર્મેનની જર્સી સાથે દેખાયો. ફૂટબોલ ટીમ PSGએ શુભમનને 7 નંબરની જર્સી ભેટમાં આપી છે. શુભમને આ અંગે પ્રતિક્રિયા આપી છે. તેનો વીડિયો પણ સોશિયલ મીડિયા પર શેર કરવામાં આવ્યો છે.
વાસ્તવમાં ફૂટબોલ ક્લબ PSGએ શુભમન ગિલની એક તસવીર ટ્વીટ કરી છે. આમાં તે હાથમાં 7 નંબરની જર્સી પકડેલો જોવા મળી રહ્યો છે. જર્સી પર શુભમનનું નામ પણ છે. ટીમે ટ્વિટમાં લખ્યું, હેલો મિત્રો, “ભારતનો ફેવરિટ ક્રિકેટર અને PSG ફેન શુભમન ગિલ પાર્ક ડી પ્રિન્સેસમાં હાજર છે.” PSGએ એક વીડિયો પણ ટ્વીટ કર્યો છે. જેમાં શુભમને પીએસજીનો આભાર માન્યો છે. ગિલના ચાહકોએ આ ફોટો પર વિવિધ કોમેન્ટ્સ કરી છે. ચાહકોએ ટ્વિટમાં શુભમનની કેટલીક જૂની તસવીરો પણ શેર કરી છે.
ઉલ્લેખનીય છે કે, ટીમ ઈન્ડિયા જૂલાઈમાં વેસ્ટ ઈન્ડિઝના પ્રવાસે જશે. ભારત અને વેસ્ટ ઈન્ડિઝ વચ્ચે ટેસ્ટ, વનડે અને ટી-20 સીરિઝ રમાવાની છે. ટીમ ઈન્ડિયા આ શ્રેણી માટે શુભમન ગિલને પણ તક આપી શકે છે. ગિલે IPL 2023માં શાનદાર પ્રદર્શન કર્યું હતું. પરંતુ વર્લ્ડ ટેસ્ટ ચેમ્પિયનશિપની ફાઇનલમાં તે ફ્લોપ સાબિત થયો હતો. ફાઇનલમાં ભારતને ખરાબ રીતે હારનો સામનો કરવો પડ્યો હતો. ટીમ ઈન્ડિયાની હાર બાદ કેપ્ટન રોહિત શર્મા અને ખેલાડીઓને ઘણી ટીકાઓનો સામનો કરવો પડ્યો હતો. ભારતીય ટીમ હવે આગામી વિશ્વ ટેસ્ટ ચેમ્પિયનશિપની મેચો જૂલાઈથી શરૂ કરશે.
ખ્વાજાની સદી
આ મેચની વાત કરીએ તો ટોસ જીતીને પ્રથમ બેટિંગ કરવા ઉતરેલી ઈંગ્લેન્ડે 8 વિકેટે 393 રન બનાવીને પોતાનો દાવ ડિકલેર કર્યો હતો. ઇંગ્લેન્ડ તરફથી જો રૂટે સદી ફટકારી હતી. જ્યારે જોની બેયરસ્ટો અને જેક ક્રોલીએ પચાસ રનનો આંકડો પાર કર્યો હતો. આ સાથે જ ઓસ્ટ્રેલિયા તરફથી નાથન લિયોને સૌથી વધુ 4 વિકેટ ઝડપી હતી. જોશ હેઝલવુડને 2 સફળતા મળી. સ્કોટ બોલેન્ડ અને કેમરૂન ગ્રીને 1-1 વિકેટ પોતાના નામે કરી હતી
