હાલમાં ઝિમ્બાબ્વેમાં 2023 ODI વર્લ્ડ કપ માટે ક્વોલિફાયર મેચો રમાઈ રહી છે. તેમાં 10 ટીમોએ ભાગ લીધો હતો, પરંતુ હવે ચાર ટીમો ક્વોલિફાઈંગ રાઉન્ડમાંથી બહાર થઈ ગઈ છે.
આયર્લેન્ડ, નેપાળ, UAE અને યુનાઇટેડ સ્ટેટ્સનું 2023 ODI વર્લ્ડ કપ રમવાનું સપનું અધૂરું રહી ગયું છે. આ તમામ ટીમો ક્વોલિફાયર રાઉન્ડમાંથી બહાર થઈ ગઈ છે. હવે ભારતમાં રમાનાર ODI વર્લ્ડ કપની મુખ્ય સ્પર્ધામાં પહોંચવા માટે 6 ટીમો વચ્ચે જંગ ખેલાશે.
આ ટીમો સુપર-6માં પહોંચી હતી
જ્યારે ચાર ટીમો ક્વોલિફાઈંગ રાઉન્ડમાંથી બહાર થઈ ગઈ હતી, આ 6 ટીમોએ સુપર-6માં જગ્યા બનાવી લીધી છે. જેમાં શ્રીલંકા, ઝિમ્બાબ્વે, નેધરલેન્ડ, સ્કોટલેન્ડ, ઓમાન અને વેસ્ટ ઈન્ડિઝ સામેલ છે. જો કે, હજુ લીગ તબક્કાની ચાર મેચો બાકી છે, પરંતુ હજુ પણ ટોપ-6નું ચિત્ર સ્પષ્ટ છે.
29 ઓગસ્ટથી સુપર-6 મેચો રમાશે
ક્વોલિફાઈંગ રાઉન્ડમાં સુપર-6 મેચો 29 ઓગસ્ટથી રમાશે. અને તેની ફાઈનલ મેચ 9મી જુલાઈના રોજ રમાશે. ક્વોલિફાયરમાંથી બે ટીમો વર્લ્ડ કપની મુખ્ય ઈવેન્ટમાં જશે.
મુખ્ય સ્પર્ધામાં 2 ટીમો ક્વોલિફાય થશે
2023 ODI વર્લ્ડ કપ 10 ટીમો વચ્ચે રમાશે. આ માટે આઠ ટીમો સીધી ક્વોલિફાય થઈ છે. અને છેલ્લી બે ટીમો ક્વોલિફાઈંગ રાઉન્ડમાંથી પહોંચશે.
આ આઠ ટીમો સીધી ક્વોલિફાય થઈ હતી
યજમાન ભારત, પાકિસ્તાન, બાંગ્લાદેશ, અફઘાનિસ્તાન, ન્યુઝીલેન્ડ, દક્ષિણ આફ્રિકા, ઓસ્ટ્રેલિયા અને ઈંગ્લેન્ડ 2023 ODI વર્લ્ડ કપ માટે સીધા ક્વોલિફાય થયા છે. હવે બાકીની બે ટીમો ક્વોલિફાયર રાઉન્ડમાંથી આવશે. ત્યારબાદ ઓક્ટોબર-નવેમ્બરમાં મુખ્ય ઈવેન્ટ રમાશે. ઘરઆંગણે રમવાને કારણે ટીમ ઈન્ડિયા વર્લ્ડ કપમાં ફેવરિટ તરીકે ઉતરશે.
તમામ ભારતીય ચાહકોને આશા છે કે ટીમ ઈન્ડિયા ICC ટ્રોફી જીતવાનું સપનું પૂરું કરશે જે છેલ્લા 10 વર્ષથી જોઈ રહ્યા છે. ભારતીય ટીમે આગામી વનડે વર્લ્ડ કપ માટે તૈયારીઓ શરૂ કરી દીધી છે. તમામ મુખ્ય ખેલાડીઓ આવતા મહિને વેસ્ટ ઈન્ડિઝ સામેની વનડે શ્રેણીમાં રમતા જોવા મળશે. આ પછી ટીમ ઇન્ડિયા એશિયા કપ 2023 દરમિયાન તેની તૈયારીનું પરીક્ષણ કરશે.
