રણવીર સિંહના જન્મદિવસના બીજા દિવસે એટલે કે 7 જુલાઈએ દીપિકા પાદુકોણે ઈન્સ્ટાગ્રામ સ્ટોરી પર એક ફોટો શેર કર્યો હતોરણવીરના જન્મદિવસ પર દીપિકા તરફથી કોઈ પોસ્ટ ન જોઈને યુઝર્સ નારાજ થયા હતા. જેનાથી ફેન્સમાં ફરી બન્નેના અલગ થવાની ચિંતા છે.
બોલિવૂડ એક્ટર રણવીર સિંહે 6 જુલાઈએ પોતાનો 38મો જન્મદિવસ ઉજવ્યો. ચાહકોએ જોયું કે રણવીર સિંહના જન્મદિવસ પર પત્ની દીપિકા પાદુકોણ તરફથી કોઈ પોસ્ટ નથી થઈ. દીપિકાએ ન તો તેના પતિનો કોઈ ફોટો શેર કર્યો અને ન તો સેલિબ્રેશનનો કોઈ વીડિયો જોવા મળ્યો. આવી સ્થિતિમાં કેટલાક ચાહકોએ દીપિકા પાદુકોણને ટ્રોલ પણ કરી હતી પરંતુ દીપિકા પાદુકોણે એક દિવસ પછી એક ફોટો શેર કર્યો છે.
દીપિકાએ તેના જન્મદિવસ પર રણવીર માટે કંઈપણ પોસ્ટ કર્યું ન હતું, જેનાથી તેના ચાહકો ચિંતિત હતા અને કેટલાક અભિનેત્રીથી નારાજ પણ હતા. પોતાની નારાજગી વ્યક્ત કરતા ફેન્સે દીપિકાને ટ્રોલ કરવાનું શરૂ કરી દીધું હતું. થોડા સમય પહેલા બંનેના અલગ થવાના સમાચાર પણ આવ્યા હતા. જો કે, દીપિકા અને રણવીરના છૂટાછેડાના સમાચારને અત્યારે માત્ર અફવા કહેવામાં આવી રહી છે.
રણવીર સિંહના જન્મદિવસના બીજા દિવસે એટલે કે 7 જુલાઈએ દીપિકા પાદુકોણે ઈન્સ્ટાગ્રામ સ્ટોરી પર એક ફોટો શેર કર્યો હતો. રણવીરસિંહ દર વખતની જેમ શાનદાર અવતારમાં જોવા મળ્યો હતો. જોકે અભિનેત્રીએ આ અંગે કંઈ લખ્યું નથી.
દીપિકા સોશિયલ મીડિયા, ખાસ કરીને ઈન્સ્ટાગ્રામ પર સૌથી વધુ પસંદ અને ફોલો કરવામાં આવતી સેલિબ્રિટીઓમાંની એક છે. તેના 74.6 મિલિયન ફોલોઅર્સ છે. દીપિકા તેની લોકપ્રિયતા અને સ્ટારડમના કારણે હેડલાઇન્સમાં રહે છે.
